Aespa က Karina က သူမရဲ့အချစ်ရေးသတင်းအတွက်ပြန်လည်တောင်းပန်

Aespa က Karina နဲ့ မင်းသား Lee Jae Wook တို့ချစ်ကြိုက်နေပြီဆိုတဲ့သတင်းက ဖေဖော်ဝါရီလ 27 ရက်နေ့ကမှ Public မှာထုတ်ဖော်ပြောဆိုခဲ့တာပါ။ဒါပေမဲ့ မတ်လ 6 ရက်နေ့မှာတော့ ဒီသတင်းထွက်ပေါ်ခဲ့တဲ့အပေါ် Karina ဘက်ကတောင်းပန်စာရေးသားလာခဲ့ပါတယ်။ Karina ရဲ့လက်ရေးနဲ့ရေးထားတဲ့တောင်းပန်စာထဲမှာ“ခံစားချက်တချို့ကိုထုတ်ဖော်နိုင်မယ်လို့မျှော်လင့်ပြီး ဒီစာကိုရေးဖို့ဆုံးဖြတ်လိုက်ပါတယ်။နောက်ထပ်နာကျင်စရာတွေဖြစ်မှာကိုစိုးရိမ်နေပေမယ့်လည်းပွဲဦးထွက်ကတည်းကနေအခုချိန်ထိအားပေးလာတဲ့ ပရိသတ်တွေကိုတောင်းပန်ချင်မိပါတယ်။နောက်ပိုင်းမှာ ပိုပြီးရင့်ကျက်လာစေရမယ်၊ ပိုပြီးတော့အလုပ်ကြိုးစားမယ်”ဆိုတာမျိုးရေးသားထားတာဖြစ်ပါတယ်။

သူမရဲ့စာကအချစ်ရေးအပေါ်တိုက်ရိုက်ပြောဆိုတာမျိုးမဟုတ်ဘဲ Fan တွေကို‌တောင်းပန်တာမျိုးရေးထားတာမို့ တချို့သောပရိသတ်တွေကစိတ်ဆိုးခဲ့ကြတယ်လို့ဆိုပါတယ်။တချို့သောပရိသတ်တွေကလည်း သူမဘက်ကနေအားမလိုအားမရဖြစ်နေခဲ့ကြပါတယ်။ “တစ် ယောက်ယောက်နဲ့ချစ်သူဖြစ်တာဘာမှားလို့လဲ၊ ဘာလို့တောင်းပန်ရတာလဲ၊သူတို့ကတော်တော်ထူးဆန်းတာပဲ၊ အပိုတွေ”၊ “အမျိုးသမီး Idol ဖြစ်ရတာလည်းမလွယ်ပါလားနော်၊တောင်းပန်စာပါရေးနေရတယ်” “ရည်းစားထားတာကိုဘာလို့တောင်းပန်ရတာလဲဟင်”စတဲ့မှတ်ချက်မျိုးတွေ ရေးခဲ့ကြတာတွေ့ရပါတယ်။

Ju Ju

zawgyi