ဝန်ထမ်းတွေကြောက်တဲ့ Family Type

တချို့အလုပ်တွေရှိပါတယ်။ ငါတို့အလုပ်က Family type (မိသားစုပုံစံလုပ်ငန်းခွင်)ပုံစံသွားတာမျိုးဆိုပြီး ပြောလေ့ရှိကြပါတယ်။ မြန်မာ့လုပ်ငန်းခွင်မှာတော့ အဲဒီ Family typeဆိုတဲ့ စကားက လုပ်ငန်းခွင်ခေါင်းပုံဖြတ်မှုတွေဆီကိုပဲ အများစုကဦးတည်သွားသလိုဖြစ်နေပါတယ်။ နိုင်ငံတကာလည်းမိသားစုပုံစံလုပ်ငန်းခွင်ယဉ်ကျေးမှုကိုအလေးပေးပေမဲ့ ချဉ်းကပ်ပုံနဲ့အကောင်အထည်ဖော်မှုအတိုင်းအတာမှာ ကွဲပြားနိုင်ပါတယ်။သူတို့နိုင်ငံတွေမှာ သုံးတဲ့ Family type လုပင်နး်ခွင်ဆိုတာက ဝန်ထမ်းများကြားမှာ ခိုင်မာတဲ့ဆက်ဆံရေး၊ အပြန်အ လှန်ပံ့ပိုးကူညီမှုနဲ့ ပေါင်းသင်းဆက်ဆံရေးကို အလေးပေးတဲ့အဖွဲ့အစည်းယဉ်ကျေးမှုကို ရည်ညွှန်းပါတယ်။ ဒီလိုလုပ်ငန်းခွင်တွေမှာတဦးနဲ့တဦးချိတ်ဆက်မှုတွေကို အားပေးပြီး ပရော်ဖက်ရှင်နယ် လစာပေးမှုတာတွေတင်မကဘဲပူးပေါင်းဆောင်ရွက်တာ၊ ဂရုစိုက်မှုနဲ့ ရေရှည်ဆက်ဆံရေးတွေအပေါ်မှာ အာရုံစိုက်ကြပါတယ်။

မြန်မာ့လုပ်ငန်းခွင်တချို့မှာတော့ မိသားစုပုံစံလုပ်ငန်းခွင်ဆိုတာကတနည်းတဖုံကွဲထွက်နေပါတယ်။ မြန်မာဝန်ထမ်းအများစုက Family type ဆိုတဲ့စကားနဲ့ပတ်သက်ပြီး အလာ့ဂျစ်ရှိကြပါတယ်။ အလုပ်စစဝင်ကတည်းက ငါတို့အလုပ်ကတော့ Family type ပဲဆိုတာမျိုး ပြောခံရရင်တော့ အဲဒီအလုပ်ကနေ ပြေးဖို့ ကြိုးစားဆိုတာမျိုးအထိဒီစကားနဲ့ပတ်သက်ပြီး နောက်ပြောင်ပြောဆိုတာတွေ၊ သတိပေးတာတွေ ရှိလာပါတယ်။မြန်မာလုပ်ငန်းခွင်တချို့မှာ တွေ့ရတဲ့ Family type ဆိုတာကိုတော့ အကြမ်းဖျင်းအခုလိုအချက်တွေကြောင့် သတ်မှတ်ပါတယ်။

လုပ်ငန်းတာဝန် မခွဲထားတာ

ဒီအချက်က Family type လို့ခေါ်တဲ့ အလုပ်အများစုမှာ အတွေ့ရအများဆုံး အချက်ဖြစ်ပါတယ်။မိသားစုပုံစံဖြစ်တော့ သူ့အလုပ်ကိုယ့်အလုပ်မခွဲခြားဘဲ ဒီလိုပဲ အားရင် အားသလိုကူကြတာပေါ့ဆိုတာမျိုးပါ။ ဒီအချက်က တခါတလေ ကူညီတာမျိုးက ပြဿနာမရှိပေမဲ့
ရေရှည်မှာတော့ ကိုယ့်ရဲ့ ပရော်ဖက်ရှင်ကိုပါထိခိုက်စေနိုင်ပါတယ်။ ဥပမာ Accountant နဲ့ဝင်တဲ့သူတယောက်က အရောင်းပိုင်းကိုပဲ ကူပေးရင် ရေရှည်မှာ အဆင်မပြေနိုင်ပါဘူး။

Overtime မရှိတာ

Family type လုပ်ငန်းခွင်တွေမှာ အချိန်ပိုကြေးပေးတာမျိုးမရှိပါဘူး။ အလုပ်ရှင်တွေက မနက်ဆိုပုံမှန်အလုပ်ချိန်ထက် စောလာတာကို သဘောကျပြီး၊ ညနေဆို ရုံးဆင်းချိန်ကျော်မှ ပြန်တာကိုဝန်ထမ်းကောင်းလို့ သတ်မှတ်ကြပါတယ်။ အချိန်ပိုကြေးတော့ သီးသန့်မပေးတတ်ကြပါဘူး။

အလုပ်ရှင်ရဲ့ ကိုယ်ရေးကိုယ်တာကိစ္စတွေကိုခိုင်းတာ

ဒီအချက်ကလည်း Family type လုပ်ငန်းခွင်တွေမှာ အတွေ့ရများတတ်တဲ့ အချက်တခုပါပဲ။ကိုယ်က Admin ပိုင်းနဲ့ အလုပ်လျှောက်လိုက်ပေမဲ့ အလုပ်ရှင်ရဲ့ ကလေးကိုကျောင်းပို့ပေးရတာမျိုး၊ ကလေးထိန်းပေးရတာမျိုးတွေ၊ သူတို့ထမင်းစားတဲ့အခါပန်းကန်ဆေးပေးရတာမျိုး၊ သူတို့မွေးထားတဲ့ ခွေးကိုကျောင်းပေးရတာ၊အစာကျွေးပေးရတာမျိုး စတာတွေကို Family type လုပ်ငန်းခွင်တွေမှာ အလုပ်ရှင်တွေကဝန်ထမ်းတွေကို ခိုင်းတတ်ကြပါတယ်။

လစာနည်းတာ

Family type လုပ်ငန်းခွင်တွေအားလုံးက လစာမကောင်းကြပါဘူး။ Labor market မှာပေါက်နေတဲ့ လစာမျိုး ဘယ်တော့မှမပေးပါဘူး။ လစာကိုကောင်းကောင်းမပေးကြပေမဲ့အပေါ်မှာပြောခဲ့သလို ကိုယ့်ရဲ့ အလုပ်တာဝန်နဲ့မဆိုင်တာတွေကိုလည်း လုပ်ခိုင်းလေ့ရှိပြီး၊အလုပ်ချိန်ကျော်လွန်ရင်လည်း အချိန်ပိုကြေးမပေးကြပါဘူး။

လေးစားမှုမရှိတာ

Family type လုပ်ငန်းခွင်တွေမှာ အလုပ်ရှင်တွေက ကိုယ့်ရဲ့ဝန်ထမ်းအပေါ်မှာလေးစားမှုမရှိကြပါဘူး။ သူတို့ရဲ့ ပရော်ဖက်ရှင်နယ်အပေါ်မှာ လေးစားမှုမရှိသလို၊ personal အပေါ်မှာလည်း လေးစားမှုမထားကြပါဘူး။ ဝန်ထမ်းနဲ့အလုပ်ရှင်ဆိုတာ ကိုင်းကျွန်းမှီ၊ကျွန်းကိုင်းမှီဆိုတဲ့ အချက်ကို တွေးဖို့ မေ့နေကြပါတယ်။ သူတို့ကိုယ်သူတို့ ကယ်တင်ရှင်၊အရှင်သခင်ပုံစံ လုပ်တတ်ကြပါတယ်။ ဒါကြောင့်လည်း မြန်မာပြည်က လုပ်ငန်းခွင်တွေမှာပြောကြတဲ့ Family type ဆိုရင် လူတွေက ဝေးဝေးကနေ ရှောင်ကြတော့တာပါ။

အနှစ်ချုပ်ရရင်တော့ နိုင်ငံတကာမှာ သုံးနေတဲ့ မိသားစုပုံစံ ရင်းနှီးတဲ့ ဆက်ဆံရေးရှိတဲ့လုပ်ငန်းခွင်ဆိုတာက ပရော်ဖက်ရှင်နဲ့ ပုဂ္ဂိုလ်ရေး ကွဲကွဲပြားပြားရှိပါတယ်။ မြန်မာပြည်ရဲ့ Family type လုပ်ငန်းခွင်ကတော့ ကိုယ့်ဝန်ထမ်းရဲ့ ပရော်ဖက်ရှင်နယ်အသက်မွေးဝမ်းကျောင်းကို
လေးစားမှုမရှိသလို၊ ဝန်ထမ်းတယောက်ကို အခိုင်းအစေသဘောမျိုးသာ စိတ်ထားကြပါတယ်။ဒီလိုသဘောထားမျိုးရှိတဲ့ အလုပ်ရှင်တွေလည်း အတွေးအမြင်တွေပြောင်းပြီး ကိုယ့်ဝန်ထမ်းရဲ့ပရော်ဖက်ရှင်နယ်နဲ့ ပါဆင်နယ်ကို လေးစားတန်ဖိုးထားတတ်ပါစေ။

MYit

zawgyi

ဝန္ထမ္းေတြေၾကာက္တဲ့ Family Type

တခ်ိဳ႕အလုပ္ေတြရွိပါတယ္။ ငါတို႔အလုပ္က Family type (မိသားစုပုံစံလုပ္ငန္းခြင္)
ပုံစံသြားတာမ်ိဳးဆိုၿပီး ေျပာေလ့ရွိၾကပါတယ္။ ျမန္မာ့လုပ္ငန္းခြင္မွာေတာ့ အဲဒီ Family type
ဆိုတဲ့ စကားက လုပ္ငန္းခြင္ေခါင္းပုံျဖတ္မႈေတြဆီကိုပဲ အမ်ားစုက
ဦးတည္သြားသလိုျဖစ္ေနပါတယ္။ ႏိုင္ငံတကာလည္း
မိသားစုပုံစံလုပ္ငန္းခြင္ယဥ္ေက်းမႈကိုအေလးေပးေပမဲ့ ခ်ဥ္းကပ္ပုံနဲ႔
အေကာင္အထည္ေဖာ္မႈအတိုင္းအတာမွာ ကြဲျပားႏိုင္ပါတယ္။
သူတို႔ႏိုင္ငံေတြမွာ သုံးတဲ့ Family type လုပင္နး္ခြင္ဆိုတာက ဝန္ထမ္းမ်ားၾကားမွာ ခိုင္မာတဲ့
ဆက္ဆံေရး၊ အျပန္အလွန္ပံ့ပိုးကူညီမႈနဲ႔ ေပါင္းသင္းဆက္ဆံေရးကို အေလးေပးတဲ့
အဖြဲ႕အစည္းယဥ္ေက်းမႈကို ရည္ၫႊန္းပါတယ္။ ဒီလိုလုပ္ငန္းခြင္ေတြမွာ
တဦးနဲ႔တဦးခ်ိတ္ဆက္မႈေတြကို အားေပးၿပီး ပေရာ္ဖက္ရွင္နယ္ လစာေပးမႈတာေတြတင္မကဘဲ
ပူးေပါင္းေဆာင္႐ြက္တာ၊ ဂ႐ုစိုက္မႈနဲ႔ ေရရွည္ဆက္ဆံေရးေတြအေပၚမွာ အာ႐ုံစိုက္ၾကပါတယ္။

ျမန္မာ့လုပ္ငန္းခြင္တခ်ိဳ႕မွာေတာ့ မိသားစုပုံစံလုပ္ငန္းခြင္ဆိုတာက
တနည္းတဖုံကြဲထြက္ေနပါတယ္။ ျမန္မာဝန္ထမ္းအမ်ားစုက Family type ဆိုတဲ့
စကားနဲ႔ပတ္သက္ၿပီး အလာ့ဂ်စ္ရွိၾကပါတယ္။ အလုပ္စစဝင္ကတည္းက ငါတို႔အလုပ္ကေတာ့
Family type ပဲဆိုတာမ်ိဳး ေျပာခံရရင္ေတာ့ အဲဒီအလုပ္ကေန ေျပးဖို႔ ႀကိဳးစားဆိုတာမ်ိဳးအထိ
ဒီစကားနဲ႔ပတ္သက္ၿပီး ေနာက္ေျပာင္ေျပာဆိုတာေတြ၊ သတိေပးတာေတြ ရွိလာပါတယ္။
ျမန္မာလုပ္ငန္းခြင္တခ်ိဳ႕မွာ ေတြ႕ရတဲ့ Family type ဆိုတာကိုေတာ့ အၾကမ္းဖ်င္း
အခုလိုအခ်က္ေတြေၾကာင့္ သတ္မွတ္ပါတယ္။

လုပ္ငန္းတာဝန္ မခြဲထားတာ

ဒီအခ်က္က Family type လို႔ေခၚတဲ့ အလုပ္အမ်ားစုမွာ အေတြ႕ရအမ်ားဆုံး အခ်က္ျဖစ္ပါတယ္။
မိသားစုပုံစံျဖစ္ေတာ့ သူ႔အလုပ္ကိုယ့္အလုပ္မခြဲျခားဘဲ ဒီလိုပဲ အားရင္ အားသလို
ကူၾကတာေပါ့ဆိုတာမ်ိဳးပါ။ ဒီအခ်က္က တခါတေလ ကူညီတာမ်ိဳးက ျပႆနာမရွိေပမဲ့
ေရရွည္မွာေတာ့ ကိုယ့္ရဲ႕ ပေရာ္ဖက္ရွင္ကိုပါထိခိုက္ေစႏိုင္ပါတယ္။ ဥပမာ Accountant နဲ႔
ဝင္တဲ့သူတေယာက္က အေရာင္းပိုင္းကိုပဲ ကူေပးရင္ ေရရွည္မွာ အဆင္မေျပႏိုင္ပါဘူး။

Overtime မရွိတာ

Family type လုပ္ငန္းခြင္ေတြမွာ အခ်ိန္ပိုေၾကးေပးတာမ်ိဳးမရွိပါဘူး။ အလုပ္ရွင္ေတြက မနက္ဆို
ပုံမွန္အလုပ္ခ်ိန္ထက္ ေစာလာတာကို သေဘာက်ၿပီး၊ ညေနဆို ႐ုံးဆင္းခ်ိန္ေက်ာ္မွ ျပန္တာကို
ဝန္ထမ္းေကာင္းလို႔ သတ္မွတ္ၾကပါတယ္။ အခ်ိန္ပိုေၾကးေတာ့ သီးသန႔္မေပးတတ္ၾကပါဘူး။

အလုပ္ရွင္ရဲ႕ ကိုယ္ေရးကိုယ္တာကိစၥေတြကိုခိုင္းတာ

ဒီအခ်က္ကလည္း Family type လုပ္ငန္းခြင္ေတြမွာ အေတြ႕ရမ်ားတတ္တဲ့ အခ်က္တခုပါပဲ။
ကိုယ္က Admin ပိုင္းနဲ႔ အလုပ္ေလွ်ာက္လိုက္ေပမဲ့ အလုပ္ရွင္ရဲ႕ ကေလးကို
ေက်ာင္းပို႔ေပးရတာမ်ိဳး၊ ကေလးထိန္းေပးရတာမ်ိဳးေတြ၊ သူတို႔ထမင္းစားတဲ့အခါ
ပန္းကန္ေဆးေပးရတာမ်ိဳး၊ သူတို႔ေမြးထားတဲ့ ေခြးကိုေက်ာင္းေပးရတာ၊
အစာေကြၽးေပးရတာမ်ိဳး စတာေတြကို Family type လုပ္ငန္းခြင္ေတြမွာ အလုပ္ရွင္ေတြက
ဝန္ထမ္းေတြကို ခိုင္းတတ္ၾကပါတယ္။

လစာနည္းတာ

Family type လုပ္ငန္းခြင္ေတြအားလုံးက လစာမေကာင္းၾကပါဘူး။ Labor market မွာ
ေပါက္ေနတဲ့ လစာမ်ိဳး ဘယ္ေတာ့မွမေပးပါဘူး။ လစာကိုေကာင္းေကာင္းမေပးၾကေပမဲ့
အေပၚမွာေျပာခဲ့သလို ကိုယ့္ရဲ႕ အလုပ္တာဝန္နဲ႔မဆိုင္တာေတြကိုလည္း လုပ္ခိုင္းေလ့ရွိၿပီး၊
အလုပ္ခ်ိန္ေက်ာ္လြန္ရင္လည္း အခ်ိန္ပိုေၾကးမေပးၾကပါဘူး။

ေလးစားမႈမရွိတာ

Family type လုပ္ငန္းခြင္ေတြမွာ အလုပ္ရွင္ေတြက ကိုယ့္ရဲ႕ဝန္ထမ္းအေပၚမွာ
ေလးစားမႈမရွိၾကပါဘူး။ သူတို႔ရဲ႕ ပေရာ္ဖက္ရွင္နယ္အေပၚမွာ ေလးစားမႈမရွိသလို၊ personal
အေပၚမွာလည္း ေလးစားမႈမထားၾကပါဘူး။ ဝန္ထမ္းနဲ႔အလုပ္ရွင္ဆိုတာ ကိုင္းကြၽန္းမွီ၊
ကြၽန္းကိုင္းမွီဆိုတဲ့ အခ်က္ကို ေတြးဖို႔ ေမ့ေနၾကပါတယ္။ သူတို႔ကိုယ္သူတို႔ ကယ္တင္ရွင္၊
အရွင္သခင္ပုံစံ လုပ္တတ္ၾကပါတယ္။ ဒါေၾကာင့္လည္း ျမန္မာျပည္က လုပ္ငန္းခြင္ေတြမွာ
ေျပာၾကတဲ့ Family type ဆိုရင္ လူေတြက ေဝးေဝးကေန ေရွာင္ၾကေတာ့တာပါ။

အႏွစ္ခ်ဳပ္ရရင္ေတာ့ ႏိုင္ငံတကာမွာ သုံးေနတဲ့ မိသားစုပုံစံ ရင္းႏွီးတဲ့ ဆက္ဆံေရးရွိတဲ့
လုပ္ငန္းခြင္ဆိုတာက ပေရာ္ဖက္ရွင္နဲ႔ ပုဂၢိဳလ္ေရး ကြဲကြဲျပားျပားရွိပါတယ္။ ျမန္မာျပည္ရဲ႕ Family
type လုပ္ငန္းခြင္ကေတာ့ ကိုယ့္ဝန္ထမ္းရဲ႕ ပေရာ္ဖက္ရွင္နယ္အသက္ေမြးဝမ္းေက်ာင္းကို
ေလးစားမႈမရွိသလို၊ ဝန္ထမ္းတေယာက္ကို အခိုင္းအေစသေဘာမ်ိဳးသာ စိတ္ထားၾကပါတယ္။
ဒီလိုသေဘာထားမ်ိဳးရွိတဲ့ အလုပ္ရွင္ေတြလည္း အေတြးအျမင္ေတြေျပာင္းၿပီး ကိုယ့္ဝန္ထမ္းရဲ႕
ပေရာ္ဖက္ရွင္နယ္နဲ႔ ပါဆင္နယ္ကို ေလးစားတန္ဖိုးထားတတ္ပါေစ။