ချစ်ခြင်းခိုင်မြဲအောင်ထိန်းသိမ်းနည်းအကြောင်းပြောတဲ့ မင်းသမီးဟန်ရီဆူး

Birth of a Beauty ဇာတ်လမ်းတွဲနဲ့ပရိသတ်ပိုမိုသတိထားမိလာတဲ့ မင်းသမီးဟန်ရီဆူးကချစ်သူထားနည်းတွေအကြောင်းနဲ့လက်ရှိအချစ်ရေးကို သူမရဲ့နောက်ဆုံးတင်ထားတဲ့ YouTube ဗီဒီယိုမှာဖွင့်ဟလာခဲ့တာတွေ့ရပါတယ်။ သူမဟာ သူမထက်အသက် 10နှစ်ငယ်တဲ့ကောင်လေးချောချောလေးနဲ့ ချစ်သူတွေဖြစ်နေကြတာဖြစ်ပါတယ်။သူမရဲ့ YouTube Channel ဖြစ်တဲ့ Han Ye Seul is မှာ ကြည့်ရှုသူတွေက
သူမရဲ့လက်ရှိအချစ်ရေးကောင်းမွန်နေတဲ့အခြေအနေကို မျှဝေဖို့ပြောလာတာမို့သူမကဗီဒီယိုတင်ခဲ့တာဖြစ်ပါတယ်။“ကျွန်မအသက် 40 ဝန်းကျင်မှာသူနဲ့စတွေ့တာပါ။ အဲဒီအရွယ်မှာကျွန်မက Relationship မျိုးစုံနဲ့တွေ့ဆုံပြီးပါပြီ။ အဲလိုအရွယ်ဆိုတော့ ချိန်းတွေ့ရတာကခက်ခဲလာပါတယ်။

တစ်ခါတလေမှာ Date လုပ်တယ်ဆိုတာက ထိခိုက်နာကျင်ရတာကလွဲလို့ ဘာမှမရတာမျိုးဖြစ်တတ်ပါတယ်။လူတွေအားလုံးကတူတူပါပဲ။ ယောက်ျားတွေလည်းတူတူပါပဲ။ ကျွန်မလည်းပဲဘဝမှာအမှားတွေအများကြီးကြုံဖူးပါတယ်။ ခုအရွယ်မှာတော့ ကိုယ့်ချစ်သူနဲ့ဘယ်လိုညှိနှိုင်းနေထိုင်မလဲ၊ဘယ်လိုအချစ်တွေခိုင်မြဲအောင်လုပ်မလဲဆိုတာကို သိသွားခဲ့ပါပြီ။ လူတစ်ယောက်ဟာဘယ်လိုစွန့်လွှတ်ရမလဲ၊ ဘယ် လိုနားလည်မှုပေးရမလဲ၊ ဘယ်လိုအရှုံးပေးရမလဲ၊အဲဒါတွေကိုနားလည်လာတဲ့အခါ ကိုယ့်ရဲ့ Relationship ကိုကောင်းကောင်းထိန်းတတ်လာမှာဖြစ်ပါတယ်။ကိုယ်တကယ်ချစ်တဲ့သူနဲ့ဆိုရင် ခုနကပြောတဲ့အချက်တွေကိုလည်း အလိုလိုတတ်ကျွမ်းလာမှာပါ။တစ်ယောက်ကိုတစ်ယောက်တန်ဖိုးထားပါ၊ ပျော်ရွှင်မှုတွေအများကြီးအတူဖန်တီးကြပါ။ဘဝဆိုတာကဒီလိုပဲ ဂရုစိုက်ခံချင်တာတွေ၊ အချစ်တွေ၊ အား စိုက်ထုတ်မှုတွေ၊လေ့ကျင့်မှုတွေနဲ့ဆက်ပြီးသွားနေရဦးမှာပါ” လို့သူမကအကြံပေးခဲ့တာဖြစ်ပါတယ်။

Ju Ju

zawgyi