Articles

တခြားသောစကားပြောဆိုမှုပုံစံတွေနဲ့မတူဘဲ အင်တာဗျူးဆိုတာက နှစ်လမ်းသွားဖြစ်ပါတယ်။ကိုယ်ဘာတွေပြောသလဲဆိုတာက အရေး ကြီးသလိုပဲ ကိုယ်ဘယ်လိုနားထောင်နေသလဲဆိုတာကလည်းအရေးကြီးတဲ့အချက်တစ်ခုပဲဖြစ်ပါတယ်။ မန်နေဂျာနေရာအတွက်အင်တာ ဗျူးတယ်ဆိုတာကကားဒရိုင်ဘာတစ်ယောက်ခန့်ဖို့အတွက်အင်တာဗျူးတာနဲ့ဘယ်လိုမှတူညီနိုင်မှာမဟုတ်ပါဘူး။အင်တာဗျူးသူက ကိုယ်ပြောနေတာကိုစိတ်ဝင်စားရဲ့လား၊ ကိုယ့်ကိုမျက်လုံးချင်းဆုံရဲ့လား၊သူ့ခေါင်းကိုညိတ်ရဲ့လား စတဲ့အချက်တွေနဲ့ကိုယ့်ကိုစိတ်ဝင်စားမှုရှိ၊မရှိဆိုတာကိုအလွယ်တကူအကဲဖြတ်နိုင်ပါတယ်။ ဒါတွေအားလုံးကိုအင်တာဗျူးသူကလုပ်ဆောင်တယ်၊အခြေအနေကောင်းတယ်ဆိုပေမယ့် တချို့အချိန်တွေမှာသူပြောတာကိုကိုယ်က ပုံမှန်ထက်ပိုပြီးအာရုံစိုက်နားထောင်ရမယ့်အခြေအနေတွေရှိလာတတ်ပါတယ်။အဲဒီလို ကိုယ့်ဘက်ကအာရုံစိုက်ပေးသင့်တဲ့အခြေအနေတွေက ဘာတွေများဖြစ်မလဲ။ ကွယ်ဝှက်ထားတဲ့မေးခွန်းတွေ အင်တာဗျူးမေးခွန်းတွေတိုင်းက ရိုးရှင်းလွယ်ကူနေတာမျိုးတော့မဟုတ်ပါဘူး။ အင်တာဗျူးသူကကိုယ့်ရဲ့လုပ်ငန်းအတွေ့အကြုံ၊ကျွမ်း ကျင်မှုတွေကိုပဲသိချင်တာမျိုးမဟုတ်ဘဲ ကိုယ့်ရဲ့အတွေး၊ခံယူချက်နဲ့ သဘောထားတွေကိုလည်းသိချင်ကြပါတယ်။ ဒါတွေကိုသိမှကိုယ်ဟာဒီကုမ္ပဏီနဲ့သင့်တော်၊မတော်၊ Company […]

အလုပ်ရှင်တွေဟာ Team တစ်ခုကိုဖွဲ့စည်းပေးလိုက်ရုံနဲ့ အဖွဲ့သားတွေအားလုံးကတက်ညီလက်ညီအလုပ်လုပ်ကြပြီး အစစအရာရာအောင်မြင်မယ်လို့ထင်နေရင်မှားသွားပါလိမ့်မယ်။အဖွဲ့တစ်ခုဟာ ခိုင်မာတဲ့ဦးတည်ချက်၊ ဖွဲ့စည်းတည်ဆောက်ပုံနဲ့ရှင်သန်အောင်ရေလောင်းပေါင်းသင်မှုတွေ မဖြစ်မနေရှိဖို့လိုပါတယ်။ Team တစ်ခုကိုအောင်အောင်မြင်မြင်မဖြစ်ထွန်းစေဘဲ ပြဿနာတွေဖြစ်ပေါ်စေနိုင်တဲ့ ယေဘုယျအချက်တွေအကြောင်းကို ခေါင်းဆောင်တွေကနားလည်သိရှိထားဖို့လိုအပ်ပါတယ်။အဖွဲ့တစ်ခုရဲ့ ကျင့်ဝတ်ပိုင်းဆိုင်ရာနဲ့လုပ် ဆောင်နိုင်စွမ်းတွေမထိခိုက်ခင်မှာ ဒီအချက်တွေကိုကြိုတင်ရှောင်ရှားသင့်ပါတယ်။ ရည်မှန်းချက်ဝေဝါးခြင်းနဲ့ဦးတည်ရာမရှိခြင်း အဖွဲ့သားတွေဟာ ခေါင်းဆောင်မှုမပြတ်သားဘူး၊ ရှင်းလင်းတဲ့လမ်းညွှန်ချက်တွေမရှိဘူးလို့ခံစားလာရတဲ့အခါ ပြဿနာတွေအများကြီးဖြစ်ပေါ်လာတတ်ပါတယ်။ သူတို့ကိုယ်သူတို့မေးခွန်းထုတ်လာကြပြီး အဖွဲ့အစည်းအတွက်သူတို့ရဲ့တန်ဖိုးကဘာလဲဆိုတာကိုတွေးလာကြပါတယ်။ရှင်းလင်းတဲ့ရည်ရွယ်ချက်မရှိရင် အဖွဲ့ဝင်တစ်ဦးချင်းဟာ ကိုယ့်အယူအဆနဲ့ကိုယ်အလုပ်တွေလုပ်ကြပြီးလမ်းကြောင်းလည်းတိမ်းစောင်းလာပါလိမ့်မယ်။ […]

အလုပ်လက်မဲ့ဖြစ်နေရတာဟာ ကိုယ့်ကိုအကြီးအကျယ်စိတ်ဓာတ်ကျစေနိုင်တဲ့ ပြဿနာတွေထဲကတစ်ခုဖြစ်ပါတယ်။ အလုပ်မရှိတဲ့အ ချိန်မှာ ထပ်လျှောက်မယ့်အလုပ်သစ်တွေကိုတန်းစီပြီးချရေးရတယ်၊ကိုယ့် CV ဒါမှမဟုတ် Resume ကိုပြန်ပြင်ဆင်ရတယ်၊ စိတ်ဖိစီးတာတွေနဲ့စိတ်မလုံခြုံတာတွေခံစားရတယ်၊ ဒါတွေကအလုပ်မရှိသူချင်းကိုယ်ချင်းစာပေးလို့ရတဲ့နာကျင်မှုတွေပဲဖြစ်ပါတယ်။ ဒါပေမဲ့အလုပ် လက်မဲ့ဆိုတိုင်းအစွမ်းအစမရှိတာမျိုးမဟုတ်ပါဘူး။ အလုပ်လက်မဲ့ဖြစ်နေတိုင်း စိတ်ပျက်ဖို့မလိုပါဘူး။ဘာကြောင့်လဲဆိုတော့အလုပ် လက်မဲ့ ၃ မျိုးရှိလို့ပါပဲ။ ကိုယ်ကဘယ်လိုအလုပ်လက်မဲ့မျိုးလဲဆိုတာကိုခွဲခြားပြီးသိတယ်ဆိုရင် နောက်အလုပ်သစ်ရှာဖွေရာမှာအကောင်းဆုံးအထောက်အကူပေးမှာပဲဖြစ်ပါတယ်။ Structural Unemployment Structural Unemployment […]

အလုပ်အင်တာဗျူးဖြေတဲ့အခါ အင်တာဗျူးသူတွေရဲ့မျက်လုံးထဲမှာကိုယ်ဟာပြီးပြည့်စုံတဲ့စိန်ပွင့်လေးဖြစ်နေဖို့လိုပါတယ်။ ကုမ္ပဏီကြီးတွေအနေနဲ့ ဝန်ထမ်းလစ်လပ်နေရာတစ်ခုကိုဖြည့်ဖို့ပျှမ်းမျှတစ်လကျော်လောက်ပဲအချိန်ယူတယ်လို့ဆိုပါတယ်။ တချို့အလုပ်တွေမှာတော့ဒီ့ထက်ပိုကြာချင်ကြာနိုင်ပါတယ်။ ကိုယ်က ဒီအလုပ်ကိုအသဲအသန်လိုချင်နေမိတယ်ဆိုရင်ကိုယ့်ဘက်ကအားစိုက်ထုတ်မှုအပြည့်အဝရှိရပါလိမ့်မယ်။ဒီ့အတွက် မင်းအကြောင်းပြောပါဦး ဆိုတဲ့မေးခွန်းမှာကတည်းကအမှတ်များအောင်စတင်လုပ်ဆောင်နိုင်ပါပြီ။ မင်းအကြောင်းပြောပါဦး ဆိုတဲ့မေးခွန်းဟာ မဖြေတတ်ရင်တိုတိုတုတ်တုတ်နဲ့ပြီးသွားတာ၊ ဒါမှမဟုတ် လိုရင်းမရောက်ဘဲပျင်းစရာကောင်းနေတာမျိုးဖြစ်တတ်ပါတယ်။ အဲလိုမဟုတ်ဘဲ ကိုယ်ဟာ Top Quality ရှိကြောင်းပြသဖို့အောက်မှာဖော်ပြတဲ့အချက်တွေထဲက ကိုယ်လည်းတကယ်လုပ်နိုင်တဲ့အချက် ၃၊၄ ချက်လောက်ကိုမပါပါအောင်ပြောနိုင်ဖို့လိုပါလိမ့်မယ်။ဒါတွေကတော့ ဘာတွေပြောသင့်တယ်ဆိုတဲ့ Idea နဲ့ […]

လူတွေ Career ပြောင်းတယ်ဆိုတဲ့နေရာမှာ အကြောင်းပြချက်တွေအများကြီးရှိနေနိုင်ပါတယ်။ ဒါပေမဲ့သေသေချာချာအဖြေရှာကြည့်တဲ့အခါအခုဖော်ပြမယ့် (၃) ချက်က အဓိကကျနေတာဖြစ်ပါတယ်။ Professional တစ်ယောက်အနေနဲ့ ဒီလိုဘဝနဲ့ဆိုင်တဲ့ပြောင်းလဲမှုကို ဒီအချက် (၃) ချက်ကြောင့်သာလုပ်ဆောင်ကြတာဖြစ်တယ်လို့ ပညာရှင်တွေကဆိုကြပါတယ်။ FlexJobSurvey ရဲ့စစ်တမ်းနဲ့ထုတ်ပြန်ချက်အရ လူတွေဟာ… ၁. Work–life balance မဖြစ်လို့အလုပ်ထွက်သူ ၅၆% ၂. လစာပိုကောင်းလို့ပြောင်းသူ […]

အောင်မြင်တဲ့ Business တစ်ခုမှာ Emotional Intelligence ဟာအရေးအကြီးဆုံးအစိတ်အပိုင်းတစ်ခုအနေနဲ့ပါဝင်တယ်လို့ Forbes ကဆိုထားပါတယ်။အလုပ်သမားရှာဖွေသူအများစုနဲ့ အလုပ်အကိုင်ရှာဖွေသူတော်တော်များများကဘာတွေလုပ်ကိုင်နိုင်တယ်၊ ဘာတွေကျွမ်းကျင်တယ်ဆိုတဲ့ Hard Skill တွေအပေါ်မှာပဲပိုပြီးအာရုံစိုက်မိကြပါတယ်။လူတစ်ယောက်ရဲ့စိတ်လှုပ်ရှားခံစားမှုနဲ့ပတ်သက်တဲ့ဉာဏ်ရည်ကိုတော့ အာရုံမထားမိကြပါဘူး။ Emotional Intelligence ဆိုတာကိုယ့်ရဲ့စိတ်ခံစားချက်ကိုကောင်းကောင်းနားလည်ထိန်းချုပ်နိုင်စွမ်းရှိပြီးသူတစ်ပါးရဲ့စိတ်ခံစားချက်နဲ့လိုအပ်ချက်တွေကိုလည်းနားလည်နိုင်စွမ်း၊တုံ့ပြန်နိုင်စွမ်းရှိခြင်းကိုဆိုလိုပါတယ်။လူအများစုကတော့ Emotional Intelligence ဆိုတာတခြားသူတွေကိုသိနားလည်နိုင်စွမ်းလို့ပဲယူဆကြတာပါ။ တကယ်တော့ အဲဒါထက်ပိုပါတယ်။အခြေ အနေနဲ့အချိန်အခါကိုလိုက်ပြီး ဘယ်လိုတုံ့ပြန်ပြောဆိုမလဲဆိုတာကို သိနားလည်ခြင်းကလည်း […]

လုပ်ငန်းခွင်စဝင်တဲ့သူတွေပဲဖြစ်ဖြစ်၊ အလုပ်မှာလုပ်သက်ကြာနေသူတွေပဲဖြစ်ဖြစ် အလုပ်နဲ့ပတ်သက်ရင်အမှားလေးတွေလုပ်မိတတ်ကြပါတယ်။ တချို့က ဒီအထဲကတစ်ချက်ကိုပဲလုပ်မိကြပေမယ့်တချို့ကတော့ နှစ်ချက်၊ သုံးချက်ထိလုပ်မိတတ်ကြပါတယ်။ ဒီတော့အလုပ်စဝင်ပြီဆိုရင်လုံးဝမလုပ်သင့်တဲ့အရာတွေကဘာတွေလဲဆိုတာအောက်မှာကြည့်လိုက်ရအောင်နော်။ ၁. မနိုင်ဝန်ထမ်းခြင်း Multi-tasking Skill ရှိတာကကောင်းတယ်ဆိုပေမယ့် ကာလရှည်ကြာလုပ်ရမယ့်အလုပ်တစ်ခုမှာမနိုင်ဝန်မထမ်းတာကအကောင်းဆုံးဖြစ်ပါတယ်။ ကိုယ်ကအားလုံးကို ကူညီချင်၊လုပ်ပေးချင်တယ်ဆိုပေမယ့် အချိန်ကြာလာတဲ့အခါမှာ ကိုယ်တာဝန်ယူရတဲ့အပိုင်းမှာအား နည်းလာတာ၊အကောင်းဆုံးမလုပ်ဆောင်နိုင်တော့တာမျိုးတွေ ဖြစ်လာမှာသေချာပါတယ်။ဒါကြောင့်ကိုယ့်အလုပ်ပြီးမှပဲ သူများကိုကူဖို့အကြံပေးချင်ပါတယ်။ ကိုယ်ကတစ်ပြိုင်တည်းမှာပရောဂျက်အများကြီးကိုင်ရတယ်ဆိုရင်တောင် ဦးစားပေးအလုပ်နဲ့ Deadline ကိုသိရှိပြီးစီမံတတ်ဖို့လိုပါတယ်။ […]

“အလုပ်ခဏခဏပြောင်းတာမကောင်းဘူး။ CV ညစ်ပတ်တယ်။” စတဲ့ပြောစကားမျိုးတွေကိုအားလုံးကြားဖူးကြမှာပါ။ အလုပ်တစ်ခုဟာ အခြေအနေခိုင်မာပြီးကိုယ့်အတွက်အခွင့်အလမ်းတွေလည်းရှိနေတယ်ဆိုရင်တော့ ကိုယ့်အတွက်ပင်ပန်းခက်ခဲပါစေကြိတ်မှိတ်ပြီးလုပ်ရမှာအမှန်ပါ။ ဒါပေမဲ့တချို့အချိန်တွေမှာတော့ အလုပ်ကိုမဖြစ်မနေစွန့်ခွာသင့်ပါတယ်။ အလုပ်ကကိုယ့်အတွက်သက်သာတယ်၊ အေးဆေးတယ်ဆိုပါစေဦးမဖြစ်မနေထွက်ပစ်လိုက်သင့်တဲ့အချိန်တွေရှိပါတယ်။ အဲဒါတွေကတော့အောက်မှာဖော်ပြထားတဲ့အနေအထားတွေဖြစ်ပါတယ်နော်။ -ကိုယ့်အလုပ်ကို မုန်းနေပြီဆိုရင်အလုပ်ထွက်သင့်ပါတယ်။ လူတွေဟာ ဘဝရဲ့သုံးပုံတစ်ပုံကိုအလုပ်လုပ်ရင်းကုန်ဆုံးကြရတာပါ။ တချို့တွေဆို သုံးပုံတစ်ပုံမကတဲ့အချိန်ကာလအထိအလုပ်လုပ်ရပါသေးတယ်။ ဘဝဆိုတာတိုတိုလေးမို့ ကိုယ်ပျော်တဲ့အလုပ်ကိုလုပ်ရင်းဘဝမှာပျော်ပျော်နေဖို့မဖြစ်မနေလိုအပ်ပါတယ်။ ဒါကြောင့် ကိုယ်လုပ်နေရတဲ့အလုပ်ကိုမချစ်ဘူးဆိုရင်အလုပ်ထွက်ပြီးအပြောင်းအလဲတွေလုပ်ဖို့ မတွန့်ဆုတ်သင့်ပါဘူး။ -အလုပ်ရှင်နဲ့ဘယ်လိုမှအဆင်မပြေနိုင်တော့ဘူးဆိုရင်လည်း အလုပ်ထွက်သင့်ပါတယ်။ဘာကြောင့်လဲဆိုတော့ […]

Performance Review ဆိုတာတကယ်တော့ ပျော်စရာကောင်းမနေပါဘူး။ ကိုယ်က Negative Reviewရတာမျိုးဆိုရင်တော့ ပိုဆိုးပါတယ်။ ဒီလိုအချိန်မှာကိုယ်က စိတ်ရှုပ်သွားတာ၊ ဒါမှမဟုတ်ဒေါသထွက်တာ၊ မခံချင်စိတ်ဖြစ်လာတာမျိုးတွေနဲ့ ကိုယ့်ရဲ့ Emotion ကိုမထိန်းနိုင်ဘဲပြန်ဖြေရှင်းမိကြတာမျိုးရှိတတ်ပါတယ်။တကယ်လို့များ Negative Review ရလာခဲ့ရင် အရေးအကြီးဆုံးက ကိုယ့် Emotion ကိုထိန်းပြီးဘယ်လိုကိုင်တွယ်သင့်လဲဆိုတာကို စဉ်းစားဖို့ပါပဲ။ ၁. ကိုယ့်အတွက်အချိန်ခဏယူပါ […]

အလုပ်အသစ်ရှာဖွေရမှာ အလုပ်အသစ်လျှောက်ရမှာကြောက်တဲ့စိတ်၊ အင်တာဗျူးဝင်ပြီးအပယ်ခံရမှာကိုစိုးရိမ်တဲ့စိတ်တွေက တချို့သူတွေအတွက် Depression ဖြစ်လောက်တဲ့အထိဆိုးရွားတတ်ပါတယ်။ တချို့သူတွေကျပြန်တော့လည်း အလုပ်ရှာရတာ၊အင်တာဗျူးဝင်ရတာကိုမှ စိတ်လှုပ်ရှားပျော်ရွှင်တာမျိုးရှိတတ်ကြပြန်ပါတယ်။အလုပ်ရှာဖွေရတာပျော်သူတွေအတွက် ဘာမှပြဿနာမရှိပေမယ့်အလုပ်အသစ်တစ်ခုလျှောက်ဖို့တောင်ကြောက်ရွံ့နေသူတွေအနေနဲ့တော့ ဒါဟာမြန်မြန်ကုစားရမယ့်ပြဿနာဖြစ်ပါတယ်။ အခုဖော်ပြမယ့်အ ချက်တွေက ဒီလိုစိတ်ခံစားချက်တွေကိုလျော့ပါးသက်သာစေမယ့် အခြေခံအချက်တွေပဲဖြစ်ပါတယ်။ – အလုပ်အသစ်လျှောက်တဲ့အခါ စိတ်ရှည်ဖို့တော့လိုပါတယ်။ ကိုယ်လျှောက်လိုက်တာနဲ့ချက်ချင်းအင်တာဗျူးဝင်ပြီး အလုပ်ရသွားတာမျိုးဖြစ်ချင်မှဖြစ်မှာပါ။ တချို့အချိန်တွေမှာအင်တာဗျူးမခေါ်တာမျိုးတောင်ရှိနိုင်ပါတယ်။ အလုပ်သစ်ရှာဖွေခြင်းဟာလနဲ့ချီပြီးအချိန်ကြာတတ်ပါတယ်။ ဒီအချက်ကိုကိုယ့်စိတ်ထဲမှာထည့်ထားပြီးခေါင်းအေးအေးထားလုပ်ဆောင်သင့်ပါတယ်။ – နောက်တစ်ချက်က […]