တကယ်လို့ သင့်ရဲ့အလုပ်ခွင်ကြောင့် စိတ်ကျန်းမာရေးက ဆိုးရွားလာနေတယ်ဆိုရင်သင့်ရဲ့ခန္ဓာကိုယ်က သတိပေးအချက်ပြမှုတချို့နဲ့ သင့်အာရုံကို ဖမ်းစားဖို့ကြိုးစားနေနိုင်ပါတယ်။ ဒါဆိုရင် လုပ်ငန်းခွင်မှာ စိတ်ကျန်းမာရေးချို့တဲ့ခြင်းရဲ့လက္ခဏာတွေက ဘာတွေလဲ။ ပင်ပန်းနွမ်းနယ်မှုနဲ့ စိတ်ကိုထိခိုက်စေမယ့်အရာတွေ မလွှမ်းမိုးခင်ဒီသတိပေးအချက်တွေကို ဂရုစိုက်ဖို့လိုပါတယ်။
သင်က အမြဲတမ်း စိုးရိမ်သောကများနေတာ သို့မဟုတ် စိတ်ဖိစီးနေတာ
အလုပ်ဖိအားအနည်းငယ်ရှိတာက ပုံမှန်ပါပဲ။ ဒါပေမဲ့ သင်က အမြဲတမ်း စိတ်လှုပ်ရှားနေသလိုခံစားရတယ်ဆိုရင် (တနင်္ဂနွေညရဲ့ စိုးရိမ်စိတ်၊ အစည်းအဝေးမတိုင်ခင် ထိတ်လန့်တာဒါမှမဟုတ် အလုပ်ချိန်ပြင်ပမှာတောင် အလုပ်အကြောင်း အဆက်မပြတ် တွေးနေတာ)ဒါဟာ
သတိပေးအချက်ပြမှုတစ်ခုပါပဲ။ "အလုပ်ကနေ အချိန်ကြာမြင့်စွာ စိတ်ဖိစီးမှုများတာကစိုးရိမ်ပူပန်မှု၊ အိပ်မပျော်တာ၊ ခေါင်းကိုက်တာနဲ့ ကြွက်သားတင်းမာတာစတဲ့ ရုပ်ပိုင်းဆိုင်ရာလက္ခဏာတွေကို ဖြစ်စေနိုင်ပါတယ်" လို့ လိုင်စင်ရ စိတ်ကုထုံးပညာရှင် ဂယ်ရီ တာကာကပြောပါတယ်။“အလွန်အကျွံတောင်းဆိုမှုတွေ ဒါမှမဟုတ် တန်ဖိုးမထားခံရဘူးလို့ ခံစားရတာတွေကစိုးရိမ်ပူပန်မှုနဲ့ စိတ်ဓာတ်ကျတာကို အလွယ်တကူဖြစ်စေနိုင်ပြီး ပြင်းထန်တဲ့ ပင်ပန်းနွမ်းနယ်မှုကိုဖြစ်စေနိုင်ပါတယ်” လို့ တာကာက ပြောခဲ့ပါတယ်။လူတိုင်းမှာ အလုပ်မှာ ခက်ခဲတဲ့ ရက်တွေ ရှိပေမဲ့ အမြဲတမ်း ဝန်ထုပ်ဝန်ပိုးကြီးတစ်ခုလိုခံစားရတာ၊ အားအင်ကုန်ခမ်းနေတာ ဒါမှမဟုတ် စိတ်ပိုင်းဆိုင်ရာအရ နွမ်းနယ်နေတာတွေကိုလျစ်လျူမရှုသင့်ပါဘူး
သင့်ရဲ့ စွမ်းအင်တွေ လုံးဝကုန်ခမ်းနေတာ
တစ်နေကုန် အလုပ်လုပ်ပြီးနောက် ပင်ပန်းနွမ်းနယ်တာက တစ်မျိုးပါ။ ဒါပေမဲ့သင်ဘယ်လောက်ပဲ အိပ်အိပ်၊ အမြဲတမ်း အားအင်ကုန်ခမ်းနေတယ်ဆိုရင် သင့်အလုပ်ကသင့်ရဲ့အသက်ကို စုပ်ယူနေတာ ဖြစ်နိုင်ပါတယ်။ စိတ်ပိုင်းဆိုင်ရာ ပင်ပန်းနွမ်းနယ်မှုဟာရုပ်ပိုင်းဆိုင်ရာ ပင် ပန်းနွမ်းနယ်မှုနဲ့ တူညီစွာ အားနည်းစေနိုင်ပြီး ရိုးရှင်းတဲ့အလုပ်တွေတောင်ဝန်ထုပ်ဝန်ပိုးကြီးတစ်ခုလို ခံစားရစေနိုင်ပါတယ်။
သင်ဟာ သင့်အလုပ်မှာ စိတ်အားထက်သန်မှုနဲ့ ပျော်ရွှင်မှုကို ဆုံးရှုံးသွားတာ
သင်တကယ်တမ်း သင့်အလုပ်ကို ဂရုစိုက်ခဲ့တဲ့ အချိန်တွေကို မှတ်မိသေးလား။ အခုသင်ကလုပ်စရာရှိတာကိုသာ လုပ်နေတယ်၊ စိတ်ဝင်တစားရှိဖို့ ရုန်းကန်နေရတယ် ဒါမှမဟုတ်သင်လုပ်သမျှ ဘာမှ အရေးမပါဘူးလို့ ခံစားနေရတယ်ဆိုရင် ဒါဟာ ပင်ပန်းနွမ်းနယ်ခြင်းရဲ့
လက္ခဏာတစ်ခုပါ။ တစ်ချိန်က သင့်ကို စိတ်လှုပ်ရှားစေခဲ့ပြီး အခုတော့ အဓိပ္ပာယ်မရှိဘူးလို့ခံစားရတဲ့အလုပ်တစ်ခုက အချိန်ကြာလာတာနဲ့အမျှ သင့်ရဲ့ စိတ်ကျန်းမာရေးကိုထိခိုက်စေနိုင်ပါတယ်။
သင့်ရဲ့ ကိုယ့်ကိုယ်ကို တန်ဖိုးထားမှု ကျဆင်းသွားတာ
ဆိုးရွားတဲ့အထက်လူကြီး၊ လက်တွေ့မကျတဲ့ မျှော်လင့်ချက်တွေ ဒါမှမဟုတ် ဖိအားများတဲ့ပတ်ဝန်းကျင်တစ်ခုက သင့်ကို ဘယ်တော့မှ တာဝန်မကျေဘူးလို့ ခံစားရစေနိုင်ပါတယ်။သင်ဟာ အမြဲတမ်း ကိုယ့်ကိုယ်ကို သံသယဝင်နေတယ်၊ ကျရှုံးသူတစ်ယောက်လိုခံစားနေရတယ် ဒါမှမဟုတ် သေးငယ်တဲ့အမှားတွေအတွက်တောင် ကိုယ့်ကိုယ်ကိုအပြစ်တင်နေတယ်ဆိုရင် သင့်အလုပ်က သင့်ရဲ့ယုံကြည်မှုနဲ့ ကိုယ့်ကိုယ်ကို တန်ဖိုးထားမှုကိုဆိုးဆိုးရွားရွား ထိခိုက်နေနိုင်ပါတယ်။
သင့်ရဲ့ ရုပ်ပိုင်းဆိုင်ရာ ကျန်းမာရေး ထိခိုက်နေတယ်
စိတ်ကျန်းမာရေးနဲ့ ရုပ်ပိုင်းဆိုင်ရာ ကျန်းမာရေးဟာ နက်ရှိုင်းစွာ ဆက်စပ်နေပါတယ်။သင့်အလုပ်က မကြာခဏ ခေါင်းကိုက်တာ၊ အစာ အိမ်ပြဿနာများ၊ အိပ်မပျော်တာ ဒါမှမဟုတ်သင့်ခန္ဓာကိုယ်မှာ တင်းမာမှုတွေကို ဖြစ်စေတယ်ဆိုရင် အလုပ်ဖိအားဟာ ရုပ်ပိုင်းဆိုင်ရာအရ
ထင်ရှားလာနေတယ်ဆိုတဲ့ လက္ခဏာတစ်ခုပါပဲ" လို့ တာကာက ပြောပါတယ်။ သင့်ခန္ဓာကိုယ်ကအလုပ်ဖိအားကို ဘယ်လိုတုံ့ပြန်လဲဆိုတာကို အာရုံစိုက်ပါ။ ဒါဟာ မကြာခဏ သင့်ကိုတစ်ခုခုပြောဖို့ ကြိုးစားနေတာ ဖြစ်နိုင်ပါတယ်။
သင့်ရဲ့ ဆက်ဆံရေးတွေ ထိခိုက်ခံနေရတယ်
သင့်ရဲ့အလုပ်ဖိအားက သင့်ကို စိတ်တိုလွယ်စေတယ်၊ အထီးကျန်ဆန်စေတယ် ဒါမှမဟုတ်ချစ်ခင်ရသူတွေနဲ့ အချိန်ဖြုန်းဖို့ အလွန်အမင်း ပင်ပန်းနွမ်းနယ်စေတယ်ဆိုရင် ဒါက သင့်ဆီကနေယူသင့်တာထက် ပိုယူနေတာပါ။ အလုပ်ဟာ အဓိပ္ပာယ်ရှိတဲ့ ဆက်ဆံရေးတွေကိုပျက် စီးစေတဲ့အထိ မဖြစ်သင့်ပါဘူး။ တကယ်လို့သင်က အလုပ်နဲ့သက်ဆိုင်တဲ့ဖိအားတွေကြောင့် အစီအစဉ်တွေကို အမြဲတမ်း ဖျက်သိမ်းနေတယ် ဒါမှမဟုတ် လူတွေကိုစိတ်တိုနေတယ်ဆိုရင် ပြန်လည်သုံးသပ်ဖို့ အချိန်တန်နေပြီပဲဖြစ်ပါတယ်။သင့်ရဲ့အလုပ်ဟာ သင့်ကို စိန်ခေါ်မှုတွေပေးပြီး ပြည့်စုံစေသင့်ပါတယ်၊ သင့်ကိုအားအင်ကုန်ခမ်းစေပြီး ပျက်စီးစေသင့်တာ မဟုတ်ပါဘူး။ တကယ်လို့ အလုပ်က သင့်ကိုစိတ်ပျက်အားလျော့စေတယ်၊ စိုးရိမ်ပူပန်စေတယ် သို့မဟုတ် ပင်ပန်းနွမ်းနယ်စေတယ်ဆိုရင်နောက်ဆုတ်ပြီး ဘာတွေပြောင်းလဲဖို့ လိုအပ်လဲဆိုတာကို အကဲဖြတ်ပါ။ ပိုကောင်းတဲ့စည်းဘောင်တွေ သတ်မှတ်တာပဲဖြစ်ဖြစ်၊ သင့်အလုပ်ရှင်နဲ့ စကားပြောတာပဲဖြစ်ဖြစ် သို့မဟုတ်ထွက်ခွာဖို့ အစီအစဉ်ဆွဲတာပဲဖြစ်ဖြစ်၊ သင်ဟာ သင့်ရဲ့စိတ်ကျန်းမာရေးကို ထောက်ပံ့ပေးတဲ့ (ဖျက်ဆီးတာမဟုတ်တဲ့) အလုပ်တစ်ခုကို ရထိုက်ပါတယ်။
ကျော့ကေခိုင်
zawgyi
တကယ္လို႔ သင့္ရဲ႕အလုပ္ခြင္ေၾကာင့္ စိတ္က်န္းမာေရးက ဆိုး႐ြားလာေနတယ္ဆိုရင္သင့္ရဲ႕ခႏၶာကိုယ္က သတိေပးအခ်က္ျပမႈတခ်ိဳ႕နဲ႔ သင့္အာ႐ုံကို ဖမ္းစားဖို႔ႀကိဳးစားေနႏိုင္ပါတယ္။ ဒါဆိုရင္ လုပ္ငန္းခြင္မွာ စိတ္က်န္းမာေရးခ်ိဳ႕တဲ့ျခင္းရဲ႕လကၡဏာေတြက ဘာေတြလဲ။ ပင္ပန္းႏြမ္းနယ္မႈနဲ႔ စိတ္ကိုထိခိုက္ေစမယ့္အရာေတြ မလႊမ္းမိုးခင္ဒီသတိေပးအခ်က္ေတြကို ဂ႐ုစိုက္ဖို႔လိုပါတယ္။
သင္က အၿမဲတမ္း စိုးရိမ္ေသာကမ်ားေနတာ သို႔မဟုတ္ စိတ္ဖိစီးေနတာ
အလုပ္ဖိအားအနည္းငယ္ရွိတာက ပုံမွန္ပါပဲ။ ဒါေပမဲ့ သင္က အၿမဲတမ္း စိတ္လႈပ္ရွားေနသလိုခံစားရတယ္ဆိုရင္ (တနဂၤေႏြညရဲ႕ စိုးရိမ္စိတ္၊ အစည္းအေဝးမတိုင္ခင္ ထိတ္လန႔္တာဒါမွမဟုတ္ အလုပ္ခ်ိန္ျပင္ပမွာေတာင္ အလုပ္အေၾကာင္း အဆက္မျပတ္ ေတြးေနတာ)ဒါဟာ
သတိေပးအခ်က္ျပမႈတစ္ခုပါပဲ။ "အလုပ္ကေန အခ်ိန္ၾကာျမင့္စြာ စိတ္ဖိစီးမႈမ်ားတာကစိုးရိမ္ပူပန္မႈ၊ အိပ္မေပ်ာ္တာ၊ ေခါင္းကိုက္တာနဲ႔ ႂကြက္သားတင္းမာတာစတဲ့ ႐ုပ္ပိုင္းဆိုင္ရာလကၡဏာေတြကို ျဖစ္ေစႏိုင္ပါတယ္" လို႔ လိုင္စင္ရ စိတ္ကုထုံးပညာရွင္ ဂယ္ရီ တာကာကေျပာပါတယ္။“အလြန္အကြၽံေတာင္းဆိုမႈေတြ ဒါမွမဟုတ္ တန္ဖိုးမထားခံရဘူးလို႔ ခံစားရတာေတြကစိုးရိမ္ပူပန္မႈနဲ႔ စိတ္ဓာတ္က်တာကို အလြယ္တကူျဖစ္ေစႏိုင္ၿပီး ျပင္းထန္တဲ့ ပင္ပန္းႏြမ္းနယ္မႈကိုျဖစ္ေစႏိုင္ပါတယ္” လို႔ တာကာက ေျပာခဲ့ပါတယ္။လူတိုင္းမွာ အလုပ္မွာ ခက္ခဲတဲ့ ရက္ေတြ ရွိေပမဲ့ အၿမဲတမ္း ဝန္ထုပ္ဝန္ပိုးႀကီးတစ္ခုလိုခံစားရတာ၊ အားအင္ကုန္ခမ္းေနတာ ဒါမွမဟုတ္ စိတ္ပိုင္းဆိုင္ရာအရ ႏြမ္းနယ္ေနတာေတြကိုလ်စ္လ်ဴမရႈသင့္ပါဘူး
သင့္ရဲ႕ စြမ္းအင္ေတြ လုံးဝကုန္ခမ္းေနတာ
တစ္ေနကုန္ အလုပ္လုပ္ၿပီးေနာက္ ပင္ပန္းႏြမ္းနယ္တာက တစ္မ်ိဳးပါ။ ဒါေပမဲ့သင္ဘယ္ေလာက္ပဲ အိပ္အိပ္၊ အၿမဲတမ္း အားအင္ကုန္ခမ္းေနတယ္ဆိုရင္ သင့္အလုပ္ကသင့္ရဲ႕အသက္ကို စုပ္ယူေနတာ ျဖစ္ႏိုင္ပါတယ္။ စိတ္ပိုင္းဆိုင္ရာ ပင္ပန္းႏြမ္းနယ္မႈဟာ႐ုပ္ပိုင္းဆိုင္ရာ ပင္ ပန္းႏြမ္းနယ္မႈနဲ႔ တူညီစြာ အားနည္းေစႏိုင္ၿပီး ႐ိုးရွင္းတဲ့အလုပ္ေတြေတာင္ဝန္ထုပ္ဝန္ပိုးႀကီးတစ္ခုလို ခံစားရေစႏိုင္ပါတယ္။
သင္ဟာ သင့္အလုပ္မွာ စိတ္အားထက္သန္မႈနဲ႔ ေပ်ာ္႐ႊင္မႈကို ဆုံးရႈံးသြားတာ
သင္တကယ္တမ္း သင့္အလုပ္ကို ဂ႐ုစိုက္ခဲ့တဲ့ အခ်ိန္ေတြကို မွတ္မိေသးလား။ အခုသင္ကလုပ္စရာရွိတာကိုသာ လုပ္ေနတယ္၊ စိတ္ဝင္တစားရွိဖို႔ ႐ုန္းကန္ေနရတယ္ ဒါမွမဟုတ္သင္လုပ္သမွ် ဘာမွ အေရးမပါဘူးလို႔ ခံစားေနရတယ္ဆိုရင္ ဒါဟာ ပင္ပန္းႏြမ္းနယ္ျခင္းရဲ႕
လကၡဏာတစ္ခုပါ။ တစ္ခ်ိန္က သင့္ကို စိတ္လႈပ္ရွားေစခဲ့ၿပီး အခုေတာ့ အဓိပၸာယ္မရွိဘူးလို႔ခံစားရတဲ့အလုပ္တစ္ခုက အခ်ိန္ၾကာလာတာနဲ႔အမွ် သင့္ရဲ႕ စိတ္က်န္းမာေရးကိုထိခိုက္ေစႏိုင္ပါတယ္။
သင့္ရဲ႕ ကိုယ့္ကိုယ္ကို တန္ဖိုးထားမႈ က်ဆင္းသြားတာ
ဆိုး႐ြားတဲ့အထက္လူႀကီး၊ လက္ေတြ႕မက်တဲ့ ေမွ်ာ္လင့္ခ်က္ေတြ ဒါမွမဟုတ္ ဖိအားမ်ားတဲ့ပတ္ဝန္းက်င္တစ္ခုက သင့္ကို ဘယ္ေတာ့မွ တာဝန္မေက်ဘူးလို႔ ခံစားရေစႏိုင္ပါတယ္။သင္ဟာ အၿမဲတမ္း ကိုယ့္ကိုယ္ကို သံသယဝင္ေနတယ္၊ က်ရႈံးသူတစ္ေယာက္လိုခံစားေနရတယ္ ဒါမွမဟုတ္ ေသးငယ္တဲ့အမွားေတြအတြက္ေတာင္ ကိုယ့္ကိုယ္ကိုအျပစ္တင္ေနတယ္ဆိုရင္ သင့္အလုပ္က သင့္ရဲ႕ယုံၾကည္မႈနဲ႔ ကိုယ့္ကိုယ္ကို တန္ဖိုးထားမႈကိုဆိုးဆိုး႐ြား႐ြား ထိခိုက္ေနႏိုင္ပါတယ္။
သင့္ရဲ႕ ႐ုပ္ပိုင္းဆိုင္ရာ က်န္းမာေရး ထိခိုက္ေနတယ္
စိတ္က်န္းမာေရးနဲ႔ ႐ုပ္ပိုင္းဆိုင္ရာ က်န္းမာေရးဟာ နက္ရႈိင္းစြာ ဆက္စပ္ေနပါတယ္။သင့္အလုပ္က မၾကာခဏ ေခါင္းကိုက္တာ၊ အစာ အိမ္ျပႆနာမ်ား၊ အိပ္မေပ်ာ္တာ ဒါမွမဟုတ္သင့္ခႏၶာကိုယ္မွာ တင္းမာမႈေတြကို ျဖစ္ေစတယ္ဆိုရင္ အလုပ္ဖိအားဟာ ႐ုပ္ပိုင္းဆိုင္ရာအရ
ထင္ရွားလာေနတယ္ဆိုတဲ့ လကၡဏာတစ္ခုပါပဲ" လို႔ တာကာက ေျပာပါတယ္။ သင့္ခႏၶာကိုယ္ကအလုပ္ဖိအားကို ဘယ္လိုတုံ႔ျပန္လဲဆိုတာကို အာ႐ုံစိုက္ပါ။ ဒါဟာ မၾကာခဏ သင့္ကိုတစ္ခုခုေျပာဖို႔ ႀကိဳးစားေနတာ ျဖစ္ႏိုင္ပါတယ္။
သင့္ရဲ႕ ဆက္ဆံေရးေတြ ထိခိုက္ခံေနရတယ္
သင့္ရဲ႕အလုပ္ဖိအားက သင့္ကို စိတ္တိုလြယ္ေစတယ္၊ အထီးက်န္ဆန္ေစတယ္ ဒါမွမဟုတ္ခ်စ္ခင္ရသူေတြနဲ႔ အခ်ိန္ျဖဳန္းဖို႔ အလြန္အမင္း ပင္ပန္းႏြမ္းနယ္ေစတယ္ဆိုရင္ ဒါက သင့္ဆီကေနယူသင့္တာထက္ ပိုယူေနတာပါ။ အလုပ္ဟာ အဓိပၸာယ္ရွိတဲ့ ဆက္ဆံေရးေတြကိုပ်က္ စီးေစတဲ့အထိ မျဖစ္သင့္ပါဘူး။ တကယ္လို႔သင္က အလုပ္နဲ႔သက္ဆိုင္တဲ့ဖိအားေတြေၾကာင့္ အစီအစဥ္ေတြကို အၿမဲတမ္း ဖ်က္သိမ္းေနတယ္ ဒါမွမဟုတ္ လူေတြကိုစိတ္တိုေနတယ္ဆိုရင္ ျပန္လည္သုံးသပ္ဖို႔ အခ်ိန္တန္ေနၿပီပဲျဖစ္ပါတယ္။သင့္ရဲ႕အလုပ္ဟာ သင့္ကို စိန္ေခၚမႈေတြေပးၿပီး ျပည့္စုံေစသင့္ပါတယ္၊ သင့္ကိုအားအင္ကုန္ခမ္းေစၿပီး ပ်က္စီးေစသင့္တာ မဟုတ္ပါဘူး။ တကယ္လို႔ အလုပ္က သင့္ကိုစိတ္ပ်က္အားေလ်ာ့ေစတယ္၊ စိုးရိမ္ပူပန္ေစတယ္ သို႔မဟုတ္ ပင္ပန္းႏြမ္းနယ္ေစတယ္ဆိုရင္ေနာက္ဆုတ္ၿပီး ဘာေတြေျပာင္းလဲဖို႔ လိုအပ္လဲဆိုတာကို အကဲျဖတ္ပါ။ ပိုေကာင္းတဲ့စည္းေဘာင္ေတြ သတ္မွတ္တာပဲျဖစ္ျဖစ္၊ သင့္အလုပ္ရွင္နဲ႔ စကားေျပာတာပဲျဖစ္ျဖစ္ သို႔မဟုတ္ထြက္ခြာဖို႔ အစီအစဥ္ဆြဲတာပဲျဖစ္ျဖစ္၊ သင္ဟာ သင့္ရဲ႕စိတ္က်န္းမာေရးကို ေထာက္ပံ့ေပးတဲ့ (ဖ်က္ဆီးတာမဟုတ္တဲ့) အလုပ္တစ္ခုကို ရထိုက္ပါတယ္။
ေက်ာ့ေကခိုင္
Leave a Reply