အလုပ်တွေလုပ်နေရင်း ကိုယ့်ဘဝမှာကံမကောင်းစွာနဲ့အာဏာရှင်ဆန်လွန်းတဲ့သူဌေးမျိုးနဲ့ဆုံတွေ့ရတတ်ပါတယ်။ အမြဲတမ်းလိုလိုအမိန့်ပေးစေခိုင်းတတ်ပြီးညှိနှိုင်းပြောဆိုဖို့တောင်ခက်ခဲတဲ့လူမျိုးတွေပါ။ ဒီလိုသူဌေးဆီအလုပ်လုပ်ရတဲ့ဝန်ထမ်းတွေဟာကိုယ့်ကိုပြစ်တင်ကဲ့ရဲ့တာကိုမခံနိုင်တဲ့အဆုံး အလုပ်ထွက်ခြင်းနဲ့အဆုံးသတ်သွားတတ်ကြပါတယ်။အခုဖော်ပြမယ့်အဓိကအချက်တွေကတော့ ဒီလိုသူဌေးမျိုးနဲ့တွေ့ဆုံရတဲ့အခါမဖြစ်မနေလုပ်ဆောင်သင့်တဲ့အချက်တွေဖြစ်ပြီးဒီလိုလူတွေနဲ့ညှိနှိုင်းပြောဆို၊လုပ်ကိုင်တတ်ခြင်းကြောင့်လည်း ကိုယ့်ရဲ့ Career အတွက်တက်လမ်းတစ်ခုဖြစ်စေနိုင်ပါလိမ့်မယ်။ ဘာပဲဖြစ်ဖြစ်အသိပေးပါ သူတို့ဟာ အာဏာနဲ့ချုပ်ကိုင်နိုင်ခြင်းတွေကိုသဘောကျပြီးအံ့ဩရင်ခုန်ရတာမျိုးတွေကိုသဘောမကျတတ်ပါဘူး။ ဒါကြောင့်သတင်း ကောင်းပဲဖြစ်ဖြစ်၊သတင်းဆိုးပဲဖြစ်ဖြစ်သူတို့ဆီ သတင်းပို့ဖို့လိုပါတယ်။ ကိုယ့်ရဲ့တစ်နေ့တာလုပ်ငန်းဆောင်တာတွေနဲ့ပရောဂျက်နဲ့ပတ် သက်တဲ့လှုပ်ရှားဆောင်ရွက်မှုတွေအကြောင်း နေ့စဉ်တင်ပြနိုင်ဖို့လိုပါတယ်။တချို့အချက်တွေကို သူတို့မမေးမြန်းပေမယ့် ကိုယ်ကပြောပြရှင်းပြတာမျိုးကိုလည်းသူတို့သဘောကျတတ်ကြပါတယ်။ ညှိနှိုင်းပြောဆိုတတ်ခြင်းနဲ့အနိုင်ယူပါ အာဏာရှင်ဆန်တဲ့သူဌေးတွေရဲ့အားနည်းချက်က အလုပ်သမားတွေရဲ့ပြဿနာကိုကောင်းကောင်းမကိုင်တွယ်နိုင်ခြင်းဖြစ်ပါတယ်။ ဒါပေမဲ့ သူဌေးအများစုကတော့ဒီလိုပြဿနာတွေကိုကောင်းကောင်းမကိုင်တွယ်နိုင်ဘူးဆိုရင်နဂိုအတိုင်းတဝဲလည်လည်ဖြစ်နေမယ်ဆိုတာကိုနားလည်ကြပါတယ်။ […]
