Articles

တစ်ကမ္ဘာလုံးမှာ Email ကို Personal အတွက်ရော Professional အတွက်ပါကျယ်ကျယ်ပြန့်ပြန့်အသုံးပြုနေကြရပါတယ်။ လုပ်ငန်းခွင်ထဲမှာတော့ Email ကိုအစည်းအဝေးဖိတ်ကြားဖို့၊ ဝန်ထမ်းအသစ်ရောက်လာချိန်မှာအကြောင်းကြားဖို့၊စည်းမျဉ်းစည်းကမ်းအသစ်တွေအကြောင်း အသိပေးဖို့၊ Update အကြောင်းအရာတွေကိုအားလုံးသိအောင်မျှဝေဖို့စတဲ့ စတဲ့များပြားလှတဲ့အသုံးချနည်းတွေနဲ့ အသုံးပြုနေကြပါတယ်။အခုမှအလုပ်စဝင်မယ့်သူတွေအတွက် နည်းစနစ်ကျကျတယ်လီဖုန်းဖြေဆိုနည်း၊ Email ပို့နည်းတွေကိုစာအုပ်အနေနဲ့ထုတ်ဝေကြတာရှိသလို တချို့သင်တန်းတွေမှာလည်းသီးသန့်သင်ကြားပေးတာမျိုးတွေရှိကြပါတယ်။ဒီလိုလေ့လာမှုတွေလုပ်ထားသူအဖို့အခုဖော်ပြမယ့်အချက်တွေက သိပြီးသားဖြစ်နိုင်ပေမယ့်အခုမှအလုပ်စဝင်မယ့်လူငယ်လေးတွေအတွက်တော့ Professional ဆန်ဆန် Email ရေးနည်းကအသုံးဝင်ပါလိမ့်မယ်။ […]

ကိုယ်ကအလုပ်လည်းလိုချင်နေပြီ၊ အတွေ့အကြုံကလည်းမရှိဆိုရင် လူတော်တော်များများလုပ်ကြတာကကွန်ပျူတာ ဒါမှမဟုတ် ဖုန်းကနေ အတွေ့အကြုံရှိရန်မလိုသောအလုပ်များလို့ရိုက်ပြီးရှာဖွေကြမယ်။တဖြည်းဖြည်းနဲ့ရှာရခက်လာရင် ကိုယ့်ကိုယ်ကိုယ်အပြစ်တင်မယ်၊ Career ရွေးချယ်မှုအပေါ်ဝေဝေဝါးဝါးဖြစ်လာမယ်၊ စိတ်ဓာတ်တွေကျလာမယ်။ ဒါတွေကဖြစ်တတ်ကြတဲ့ပုံစံတွေပါ။ လုပ်ငန်းအတွေ့အ ကြုံဆိုတာက သင်ဘယ်နေရာတွေမှာအလုပ်လုပ်ခဲ့တယ်၊ဘယ်ကျောင်းကနေဘွဲ့ရခဲ့တယ်ဆိုတဲ့အချက်တွေထက် ပိုအရေးကြီးတာမှန်ပါတယ်။ဒါပေမဲ့ လုပ်ငန်းအတွေ့အကြုံမရှိတာတစ်ခုတည်းနဲ့ စိတ်ဓာတ်ကျဖို့မလိုပါဘူး။ကိုယ့်မှာအတွေ့အကြုံမရှိပေမယ့် ဘယ်လိုမျိုးအ လုပ်တစ်ခုရအောင်လုပ်နိုင်မလဲဆိုတဲ့နည်းလမ်းလေးတွေရှိနေပါတယ်။အဲဒါတွေကတော့ … Soft Skill တွေကိုအသုံးချပါ ကိုယ့်မှာအလွယ်တကူဆက်သွယ်ပြောဆိုနိုင်စွမ်းရှိလား၊ကိုယ့်မှာသင်လွယ်တတ်လွယ်တဲ့အရည်အချင်းရှိလား၊ ခေါင်းဆောင်နိုင်မှုအရည် […]

ကိုယ်က ကလေးအတွက်၊ မိသားစုအတွက်နဲ့ အချိန်အကြာကြီးအလုပ်နားလိုက်ပြီးမှအလုပ်ပြန်ရှာရတော့မယ်ဆိုရင် နည်းနည်းတော့ကြောက်လန့်မိတာမျိုးဖြစ်ကြမှာပါ။ ကိုယ့်ရဲ့ Professional အလုပ်ကနေထွက်ပြီး အလုပ်ဆိုတာကိုမေ့ပျောက်ထားလိုက်ပြီးမှ ပြန်ဝင်ရမယ်ဆိုတဲ့အခါကိုယ်နဂိုရခဲ့တဲ့ Position ကိုပြန်ရပါ့မလားဆိုပြီးတော့လည်းစိတ်ပူကြမှာပါ။တကယ်တော့ကိုယ်က အောက်မှာဖော်ပြထားတဲ့အချက်တွေကိုလုပ်ဆောင်ထားမယ်ဆိုရင်နဂိုအနေအထားမျိုးကို လွယ်လွယ်ကူကူပြန်ရနိုင်မယ့်အပြင်နဂိုထက်ပိုသာလွန်တဲ့အနေ အထားကိုတောင်ရရှိနိုင်မှာဖြစ်ပါတယ်။ အဲဒီအချက်တွေကတော့… ကိုယ့်ရဲ့ Resume ကို Update လုပ်ပါ ဒါကတော့ ပထမဆုံးလုပ်ရမယ့်အချက်ပါ။ ကိုယ့်ရဲ့ Resume […]

ကိုယ်ကပိုက်ဆံအတွက် အလုပ်ကိုကြိုးစားပြီးလုပ်နေတယ်ဆိုပါစို့။ ပိုက်ဆံဆိုတဲ့နေရာမှာဘယ်လောက်ပမာဏလဲဆိုတာက စကားပြောနေပါသေးတယ်။ ကိုယ်က အလုပ်တွေကိုကိုယ်မပါရင်မပြီးသလောက်နီးပါးလုပ်နေမိပေမယ့် ဒီအတွက်ရတဲ့လခကကိုယ့်ရဲ့မွန်းကျပ်မှုတွေကိုဘာမှဖြေလျှော့မပေးနိုင်ဘူးဆိုရင် ဒါဟာတစ်ခုခုတော့မှားယွင်းနေပါပြီ။ဒီ့အတွက် ကိုယ်လုပ်နေရတဲ့အလုပ်နဲ့ရတဲ့လစာဟာ ထိုက် တန်မှုရှိရဲ့လား၊လုပ်ခလစာနည်းနေလားဆိုတာကိုသိနိုင်ဖို့ ဒီအချက်တွေနဲ့နှိုင်းယှဉ်သုံးသပ်ကြည့်ပါနော်။ – ပထမဆုံးအချက်ကတော့ Online မှာရှာကြည့်ဖို့ပါ။ မနက် ၉ ညနေ ၅ ၊ တစ်ပတ် ၆ ရက်အလုပ်လုပ်ရတဲ့ Sales […]

တခြားသောစကားပြောဆိုမှုပုံစံတွေနဲ့မတူဘဲ အင်တာဗျူးဆိုတာက နှစ်လမ်းသွားဖြစ်ပါတယ်။ကိုယ်ဘာတွေပြောသလဲဆိုတာက အရေး ကြီးသလိုပဲ ကိုယ်ဘယ်လိုနားထောင်နေသလဲဆိုတာကလည်းအရေးကြီးတဲ့အချက်တစ်ခုပဲဖြစ်ပါတယ်။ မန်နေဂျာနေရာအတွက်အင်တာ ဗျူးတယ်ဆိုတာကကားဒရိုင်ဘာတစ်ယောက်ခန့်ဖို့အတွက်အင်တာဗျူးတာနဲ့ဘယ်လိုမှတူညီနိုင်မှာမဟုတ်ပါဘူး။အင်တာဗျူးသူက ကိုယ်ပြောနေတာကိုစိတ်ဝင်စားရဲ့လား၊ ကိုယ့်ကိုမျက်လုံးချင်းဆုံရဲ့လား၊သူ့ခေါင်းကိုညိတ်ရဲ့လား စတဲ့အချက်တွေနဲ့ကိုယ့်ကိုစိတ်ဝင်စားမှုရှိ၊မရှိဆိုတာကိုအလွယ်တကူအကဲဖြတ်နိုင်ပါတယ်။ ဒါတွေအားလုံးကိုအင်တာဗျူးသူကလုပ်ဆောင်တယ်၊အခြေအနေကောင်းတယ်ဆိုပေမယ့် တချို့အချိန်တွေမှာသူပြောတာကိုကိုယ်က ပုံမှန်ထက်ပိုပြီးအာရုံစိုက်နားထောင်ရမယ့်အခြေအနေတွေရှိလာတတ်ပါတယ်။အဲဒီလို ကိုယ့်ဘက်ကအာရုံစိုက်ပေးသင့်တဲ့အခြေအနေတွေက ဘာတွေများဖြစ်မလဲ။ ကွယ်ဝှက်ထားတဲ့မေးခွန်းတွေ အင်တာဗျူးမေးခွန်းတွေတိုင်းက ရိုးရှင်းလွယ်ကူနေတာမျိုးတော့မဟုတ်ပါဘူး။ အင်တာဗျူးသူကကိုယ့်ရဲ့လုပ်ငန်းအတွေ့အကြုံ၊ကျွမ်း ကျင်မှုတွေကိုပဲသိချင်တာမျိုးမဟုတ်ဘဲ ကိုယ့်ရဲ့အတွေး၊ခံယူချက်နဲ့ သဘောထားတွေကိုလည်းသိချင်ကြပါတယ်။ ဒါတွေကိုသိမှကိုယ်ဟာဒီကုမ္ပဏီနဲ့သင့်တော်၊မတော်၊ Company […]

အလုပ်ရှင်တွေဟာ Team တစ်ခုကိုဖွဲ့စည်းပေးလိုက်ရုံနဲ့ အဖွဲ့သားတွေအားလုံးကတက်ညီလက်ညီအလုပ်လုပ်ကြပြီး အစစအရာရာအောင်မြင်မယ်လို့ထင်နေရင်မှားသွားပါလိမ့်မယ်။အဖွဲ့တစ်ခုဟာ ခိုင်မာတဲ့ဦးတည်ချက်၊ ဖွဲ့စည်းတည်ဆောက်ပုံနဲ့ရှင်သန်အောင်ရေလောင်းပေါင်းသင်မှုတွေ မဖြစ်မနေရှိဖို့လိုပါတယ်။ Team တစ်ခုကိုအောင်အောင်မြင်မြင်မဖြစ်ထွန်းစေဘဲ ပြဿနာတွေဖြစ်ပေါ်စေနိုင်တဲ့ ယေဘုယျအချက်တွေအကြောင်းကို ခေါင်းဆောင်တွေကနားလည်သိရှိထားဖို့လိုအပ်ပါတယ်။အဖွဲ့တစ်ခုရဲ့ ကျင့်ဝတ်ပိုင်းဆိုင်ရာနဲ့လုပ် ဆောင်နိုင်စွမ်းတွေမထိခိုက်ခင်မှာ ဒီအချက်တွေကိုကြိုတင်ရှောင်ရှားသင့်ပါတယ်။ ရည်မှန်းချက်ဝေဝါးခြင်းနဲ့ဦးတည်ရာမရှိခြင်း အဖွဲ့သားတွေဟာ ခေါင်းဆောင်မှုမပြတ်သားဘူး၊ ရှင်းလင်းတဲ့လမ်းညွှန်ချက်တွေမရှိဘူးလို့ခံစားလာရတဲ့အခါ ပြဿနာတွေအများကြီးဖြစ်ပေါ်လာတတ်ပါတယ်။ သူတို့ကိုယ်သူတို့မေးခွန်းထုတ်လာကြပြီး အဖွဲ့အစည်းအတွက်သူတို့ရဲ့တန်ဖိုးကဘာလဲဆိုတာကိုတွေးလာကြပါတယ်။ရှင်းလင်းတဲ့ရည်ရွယ်ချက်မရှိရင် အဖွဲ့ဝင်တစ်ဦးချင်းဟာ ကိုယ့်အယူအဆနဲ့ကိုယ်အလုပ်တွေလုပ်ကြပြီးလမ်းကြောင်းလည်းတိမ်းစောင်းလာပါလိမ့်မယ်။ […]

အလုပ်လက်မဲ့ဖြစ်နေရတာဟာ ကိုယ့်ကိုအကြီးအကျယ်စိတ်ဓာတ်ကျစေနိုင်တဲ့ ပြဿနာတွေထဲကတစ်ခုဖြစ်ပါတယ်။ အလုပ်မရှိတဲ့အ ချိန်မှာ ထပ်လျှောက်မယ့်အလုပ်သစ်တွေကိုတန်းစီပြီးချရေးရတယ်၊ကိုယ့် CV ဒါမှမဟုတ် Resume ကိုပြန်ပြင်ဆင်ရတယ်၊ စိတ်ဖိစီးတာတွေနဲ့စိတ်မလုံခြုံတာတွေခံစားရတယ်၊ ဒါတွေကအလုပ်မရှိသူချင်းကိုယ်ချင်းစာပေးလို့ရတဲ့နာကျင်မှုတွေပဲဖြစ်ပါတယ်။ ဒါပေမဲ့အလုပ် လက်မဲ့ဆိုတိုင်းအစွမ်းအစမရှိတာမျိုးမဟုတ်ပါဘူး။ အလုပ်လက်မဲ့ဖြစ်နေတိုင်း စိတ်ပျက်ဖို့မလိုပါဘူး။ဘာကြောင့်လဲဆိုတော့အလုပ် လက်မဲ့ ၃ မျိုးရှိလို့ပါပဲ။ ကိုယ်ကဘယ်လိုအလုပ်လက်မဲ့မျိုးလဲဆိုတာကိုခွဲခြားပြီးသိတယ်ဆိုရင် နောက်အလုပ်သစ်ရှာဖွေရာမှာအကောင်းဆုံးအထောက်အကူပေးမှာပဲဖြစ်ပါတယ်။ Structural Unemployment Structural Unemployment […]

အလုပ်အင်တာဗျူးဖြေတဲ့အခါ အင်တာဗျူးသူတွေရဲ့မျက်လုံးထဲမှာကိုယ်ဟာပြီးပြည့်စုံတဲ့စိန်ပွင့်လေးဖြစ်နေဖို့လိုပါတယ်။ ကုမ္ပဏီကြီးတွေအနေနဲ့ ဝန်ထမ်းလစ်လပ်နေရာတစ်ခုကိုဖြည့်ဖို့ပျှမ်းမျှတစ်လကျော်လောက်ပဲအချိန်ယူတယ်လို့ဆိုပါတယ်။ တချို့အလုပ်တွေမှာတော့ဒီ့ထက်ပိုကြာချင်ကြာနိုင်ပါတယ်။ ကိုယ်က ဒီအလုပ်ကိုအသဲအသန်လိုချင်နေမိတယ်ဆိုရင်ကိုယ့်ဘက်ကအားစိုက်ထုတ်မှုအပြည့်အဝရှိရပါလိမ့်မယ်။ဒီ့အတွက် မင်းအကြောင်းပြောပါဦး ဆိုတဲ့မေးခွန်းမှာကတည်းကအမှတ်များအောင်စတင်လုပ်ဆောင်နိုင်ပါပြီ။ မင်းအကြောင်းပြောပါဦး ဆိုတဲ့မေးခွန်းဟာ မဖြေတတ်ရင်တိုတိုတုတ်တုတ်နဲ့ပြီးသွားတာ၊ ဒါမှမဟုတ် လိုရင်းမရောက်ဘဲပျင်းစရာကောင်းနေတာမျိုးဖြစ်တတ်ပါတယ်။ အဲလိုမဟုတ်ဘဲ ကိုယ်ဟာ Top Quality ရှိကြောင်းပြသဖို့အောက်မှာဖော်ပြတဲ့အချက်တွေထဲက ကိုယ်လည်းတကယ်လုပ်နိုင်တဲ့အချက် ၃၊၄ ချက်လောက်ကိုမပါပါအောင်ပြောနိုင်ဖို့လိုပါလိမ့်မယ်။ဒါတွေကတော့ ဘာတွေပြောသင့်တယ်ဆိုတဲ့ Idea နဲ့ […]

လူတွေ Career ပြောင်းတယ်ဆိုတဲ့နေရာမှာ အကြောင်းပြချက်တွေအများကြီးရှိနေနိုင်ပါတယ်။ ဒါပေမဲ့သေသေချာချာအဖြေရှာကြည့်တဲ့အခါအခုဖော်ပြမယ့် (၃) ချက်က အဓိကကျနေတာဖြစ်ပါတယ်။ Professional တစ်ယောက်အနေနဲ့ ဒီလိုဘဝနဲ့ဆိုင်တဲ့ပြောင်းလဲမှုကို ဒီအချက် (၃) ချက်ကြောင့်သာလုပ်ဆောင်ကြတာဖြစ်တယ်လို့ ပညာရှင်တွေကဆိုကြပါတယ်။ FlexJobSurvey ရဲ့စစ်တမ်းနဲ့ထုတ်ပြန်ချက်အရ လူတွေဟာ… ၁. Work–life balance မဖြစ်လို့အလုပ်ထွက်သူ ၅၆% ၂. လစာပိုကောင်းလို့ပြောင်းသူ […]

အောင်မြင်တဲ့ Business တစ်ခုမှာ Emotional Intelligence ဟာအရေးအကြီးဆုံးအစိတ်အပိုင်းတစ်ခုအနေနဲ့ပါဝင်တယ်လို့ Forbes ကဆိုထားပါတယ်။အလုပ်သမားရှာဖွေသူအများစုနဲ့ အလုပ်အကိုင်ရှာဖွေသူတော်တော်များများကဘာတွေလုပ်ကိုင်နိုင်တယ်၊ ဘာတွေကျွမ်းကျင်တယ်ဆိုတဲ့ Hard Skill တွေအပေါ်မှာပဲပိုပြီးအာရုံစိုက်မိကြပါတယ်။လူတစ်ယောက်ရဲ့စိတ်လှုပ်ရှားခံစားမှုနဲ့ပတ်သက်တဲ့ဉာဏ်ရည်ကိုတော့ အာရုံမထားမိကြပါဘူး။ Emotional Intelligence ဆိုတာကိုယ့်ရဲ့စိတ်ခံစားချက်ကိုကောင်းကောင်းနားလည်ထိန်းချုပ်နိုင်စွမ်းရှိပြီးသူတစ်ပါးရဲ့စိတ်ခံစားချက်နဲ့လိုအပ်ချက်တွေကိုလည်းနားလည်နိုင်စွမ်း၊တုံ့ပြန်နိုင်စွမ်းရှိခြင်းကိုဆိုလိုပါတယ်။လူအများစုကတော့ Emotional Intelligence ဆိုတာတခြားသူတွေကိုသိနားလည်နိုင်စွမ်းလို့ပဲယူဆကြတာပါ။ တကယ်တော့ အဲဒါထက်ပိုပါတယ်။အခြေ အနေနဲ့အချိန်အခါကိုလိုက်ပြီး ဘယ်လိုတုံ့ပြန်ပြောဆိုမလဲဆိုတာကို သိနားလည်ခြင်းကလည်း […]