ဘယ်သူမဆိုအလုပ်အသစ်မှာပထမဆုံးအလုပ်စဆင်းရပြီဆိုရင်စိတ်လှုပ်ရှားမှုအနည်းနဲ့အများရှိတတ်ကြပါတယ်။ အားလုံးကကိုယ့်ကိုနွေးနွေးထွေးထွေးကြိုဆိုပါ့မလား၊ကိုယ့်ကြောင့်အနှောင့်အယှက်ဖြစ်တာမျိုးရှိနိုင်လား၊ ဘာတွေကိုစပြီးလုပ်ရမလဲစတဲ့အတွေးတွေကြီးစိုးနေတတ်ပါတယ်။ဒီလိုစိတ်ဖိစီးမှု၊စိတ်လှုပ်ရှားမှုတွေကိုသက်သာစေဖို့ လုပ်ကိုလုပ်သင့်တဲ့အချက်လေးတွေရှိပါတယ်။ဒါလေးတွေကိုမှတ် သားပြီးလိုက်လုပ်မယ်ဆိုရင် အလုပ်ရဲ့ပထမဆုံးနေ့မှာကိုယ်ဟာယုံကြည်မှုရှိရှိနဲ့အဆင်ပြေပြေဖြတ်သန်းသွားနိုင်မှာဖြစ်ပါတယ်။ ဘာကြောင့်ဒီကုမ္ပဏီကိုရောက်နေတာလဲပြန်တွေးကြည့်ပါ ကိုယ်ကအလုပ်အသစ်အတွက်စိတ်ဖိစီးမှု၊ စိတ်လှုပ်ရှားမှုကိုခံစားနေရတယ်ဆိုရင်ငါဘာကြောင့်ဒီအလုပ်ကိုရခဲ့တာလဲ၊ ငါဘာလို့ဒီကုမ္ပဏီကိုရောက်နေတာလဲဆိုတာကိုပြန်တွေးကြည့်လိုက်ပါ။ ဟုတ်ပါတယ်။ သင်ကတခြားသူတွေထက်ပိုသင့်တော်လို့သာလူတွေအများကြီးထဲကနေသင့်ကိုရွေးချယ်ခဲ့တာပါ။ အဲဒါကြောင့် စိတ်ဖိစီးနေဖို့မလိုပါဘူး။အလုပ်ရှင်ကလည်းကိုယ့်ကို အောင်မြင်တာပဲမြင်ချင်တာဖြစ်ပါတယ်။ ကြိုတင်ပြင်ဆင်ပါ အလုပ်စဝင်ရမယ့်ပထမဆုံးရက်အတွက်တော့ အားလုံးလိုလိုကကြိုတင်ပြင်ဆင်လေ့ရှိကြပါတယ်။ဝတ်မယ့်ဝတ်စုံပြင်ဆင်တာ၊ နာရီကိုနှိုးစက်ပေးတာ၊ စားစရာတစ်ခုခုထည့်ဖို့ပြင်ဆင်တာ ၊အိမ်ကနေအချိန်စောထွက်တာ စသဖြင့်ကြိုတင်ပြင်ဆင်မှုတွေ လုပ်လေ့ရှိကြပါတယ်။ဒါတွေကကောင်းတဲ့အချက်တွေပါ။ တချို့ကျတော့လည်းအလုပ်ရလို့သူငယ်ချင်းတွေနဲ့ဂုဏ်ပြုပွဲလုပ်ရင်း အိပ်ချိန်နောက်ကျတာ၊ […]
