Quiet Hiring ဆိုတာ ဘာလဲ

Quiet Hiring ဆိုတဲ့ အသုံးအနှုန်းက အခုနောက်ပိုင်း လုပ်ငန်းခွင်လောကမှာ တော်တော်လေး ရေပန်းစားလာတဲ့ စကားလုံးတစ်ခုပါ။ အထူးသဖြင့် စီးပွားရေး အခြေ အနေတွေ မသေချာတဲ့အခါ၊ လူသစ်ခန့်ဖို့ ဘတ်ဂျက် အကန့်အသတ် ရှိလာတဲ့အခါမျိုးမှာ ကုမ္ပဏီကြီးတွေ ကျင့်သုံးလာတဲ့ ဗျူဟာတစ်ခုပါ။ ဒါကို မြန်မာလို အလွယ်နားလည်အောင် ပြောရရင်တော့ “လူသစ်မခန့်ဘဲ ရှိရင်းစွဲ အင်အားနဲ့ အလုပ်ဖြစ်အောင် စီမံခန့်ခွဲတာ” လို့ ပြောလို့ရပါတယ်။

ပုံမှန်ဆိုရင် လုပ်ငန်းတစ်ခု တိုးချဲ့ချင်တာပဲဖြစ်ဖြစ်၊ အလုပ်သစ်တွေ တိုးလာတာပဲဖြစ်ဖြစ် အလုပ်ခေါ်စာ (Job Vacancy) တွေ တင်ကြတယ်။ လူသစ်တွေ ခေါ်ကြတယ်။ ဒါပေမဲ့ Quiet Hiring ကတော့ အဲဒီလို အပြင်ကနေ လူသစ်ရှာတာမျိုး မလုပ်ပါဘူး။ ကုမ္ပဏီအတွင်းမှာ ရှိပြီးသား ဝန်ထမ်းတွေကိုပဲ သူတို့ လုပ်နေကျ တာဝန်တွေအပြင် အခြား အရေးကြီးတဲ့ အခန်းကဏ္ဍတွေမှာ ပြောင်းလဲ တာဝန်ပေးတာ၊ ဒါမှမဟုတ် ပရောဂျက်အသစ်တွေမှာ ပါဝင်ခိုင်းတာမျိုး ဖြစ်ပါတယ်။ ဆိုလိုတာက လူသစ်မခေါ်ဘဲ ရှိပြီးသား လူတွေရဲ့ အရည်အချင်းကိုပဲ ထပ်မံ အသုံးချပြီး လုပ်ငန်းလိုအပ်ချက်ကို ဖြည့်ဆည်းတာပါ။ဒါဟာ ဝန်ထမ်းတွေကို အနိုင်ကျင့်တာလားလို့ မေးစရာ ရှိပါတယ်။ တကယ်တော့ စနစ်တကျ လုပ်တတ်တဲ့ ကုမ္ပဏီတွေအတွက်တော့ ဒါဟာ ဝန်ထမ်းရော အလုပ်ရှင်ပါ နှစ်ဦးနှစ်ဖက် အကျိုးရှိစေမယ့် နည်းလမ်းတစ်ခု ဖြစ်နိုင်ပါတယ်။

ဘာကြောင့် Quiet Hiring ကို လုပ်ကြတာလဲ

လုပ်ရတဲ့ အဓိက အကြောင်းရင်း သုံးခု ရှိပါတယ်။လူသစ်တစ်ယောက် ခေါ်ဖို့ဆိုတာ ကြော်ငြာခ၊ အင်တာဗျူးရတဲ့ အချိန်၊ ပြီးရင် အလုပ်သင်ပေးရတဲ့ ကာလ (Onboarding) စသဖြင့် ကုန်ကျစရိတ်တွေ အများကြီး ရှိပါတယ်။ Quiet Hiring က ဒီစရိတ်တွေကို အကုန်ဖြတ်ချလိုက်တာပါ။နောက်ပြီး အလုပ်တစ်ခု အမြန်ပြီးဖို့ လိုနေချိန်မှာ အပြင်ကလူကို စောင့်နေမယ့်အစား လုပ်ငန်းအကြောင်း နားလည်ပြီးသား ဝန်ထမ်းကို တာဝန်ပေးလိုက်တာက ပိုမြန်တဲ့ အတွက် အချိန်ကုန်သက်သာပါတယ်။ကုမ္ပဏီက တခြားနယ်ပယ်တစ်ခုကို ပြောင်းလဲ အာရုံစိုက်ချင်တဲ့အခါ ဝန်ထမ်းတွေကို အဲဒီနယ်ပယ်သစ်အတွက် လိုအပ်တဲ့ သင်တန်းတွေ ပေးပြီး နေရာချထားပေးတာမျိုး ဖြစ်ပါတယ်။ ဒါကိုကျွမ်းကျင်မှု အပြောင်းအလဲလို့ ခေါ်ကြပါတယ်။

ဝန်ထမ်းတွေအတွက် အားသာချက်၊ အားနည်းချက်

ဒီနေရာမှာ အကောင်းရော အဆိုးပါ ရှိပါတယ်။
အကောင်းဘက်က ကြည့်ရင် သင်ဟာ Quiet Hiring ရဲ့ ပစ်မှတ်ဖြစ်လာပြီဆိုရင် ဒါဟာ ကုမ္ပဏီက သင့်ကို အားကိုးတယ်၊ သင့်မှာ အရည်အချင်းရှိတယ်လို့ အသိအ မှတ်ပြုတာပါ။ အလုပ်သစ်တွေ၊ တာဝန်သစ်တွေ လုပ်ရတဲ့အတွက် Skill သစ်တွေ တိုးလာမယ်။ နောင်တစ်ချိန် ရာထူးတိုးဖို့ ဒါမှမဟုတ် တခြားနေရာမှာ အလုပ်ရှာဖို့အတွက် သင့်ရဲ့ CV မှာ အတွေ့အကြုံကောင်းတွေ တိုးလာမှာ ဖြစ်ပါတယ်။ အချို့ကုမ္ပဏီတွေကတော့ တာဝန်ပိုပေးတဲ့အတွက် လစာတိုးပေးတာ ဒါမှမဟုတ် Bonus ပေးတာမျိုးတွေ လုပ်တတ်ကြပါတယ်။

အဆိုးဘက်က ကြည့်ရင်တော့ တကယ်လို့ ကုမ္ပဏီက လစာလည်း မတိုးပေးဘဲ၊ အလုပ်တွေပဲ ပုံအောခိုင်းမယ်ဆိုရင်တော့ ဝန်ထမ်းတွေမှာ Burnout ဖြစ်လာနိုင်ပါတယ်။ “ငါ့ကို ခိုင်းရုံပဲ ခိုင်းနေတာလား” ဆိုတဲ့ စိတ်မျိုး ဝင်လာပြီး အလုပ်ထွက်ချင်စိတ် ပေါက်လာနိုင်ပါတယ်။ ဒါကိုတော့ သတိထားဖို့ လိုပါတယ်။

Quiet Hiring ကို ဘယ်လို ရင်ဆိုင်မလဲ

တကယ်လို့ သင့်ကို သင့်အထက်လူကြီးက “ဒီအလုပ်လေးပါ ဝိုင်းကူပေးပါဦး” လို့ ပြောလာရင် ဒါဟာ Quiet Hiring ဖြစ်နိုင်ပါတယ်။ အဲဒီအခါမှာ အောက်ပါအတိုင်း ပြင်ဆင်နိုင်ပါတယ်။”ဒီတာဝန်အသစ်က ဘယ်လောက်ကြာမှာလဲ”၊ “လက်ရှိ လုပ်နေတဲ့ အလုပ်တွေနဲ့ ဘယ်လို ချိန်ညှိရမလဲ” ဆိုတာကို အသေအချာ မေးပါ။ဒါဟာ ကိုယ်မလုပ်ဖူးတဲ့ အရာကို သင်ယူဖို့ အခွင့်အရေးလားဆိုတာ ဆန်းစစ်ပါ။ တကယ်လို့ အကျိုးရှိမယ့်အရာဆိုရင် အကောင်းဆုံး ကြိုးစားပြလိုက်ပါ။အလုပ်တွေ အရမ်းများလာပြီဆိုရင်တော့ “တာဝန်တွေ ပိုလာတဲ့အတွက် လစာ ဒါမှမဟုတ် ခံစားခွင့် တစ်ခုခု ပြန်စဉ်းစားပေးလို့ ရမလား” ဆိုတာကို ယဉ်ယဉ်ကျေးကျေး ညှိနှိုင်းကြည့်သင့်ပါတယ်။

အချုပ်ပြောရရင် Quiet Hiring ဆိုတာ အလုပ်ရှင်တွေအတွက်တော့ စမတ်ကျတဲ့ ဗျူဟာတစ်ခု ဖြစ်သလို၊ ဝန်ထမ်းတွေအတွက်လည်း ကိုယ့်ကိုယ်ကိုယ် သက်သေ ပြဖို့ လမ်းစတစ်ခု ဖြစ်နိုင်ပါတယ်။ ဒါပေမဲ့ အဓိက သော့ချက်ကတော့ ပွင့်လင်းစွာ ဆက်သွယ်ပြောဆိုခြင်းပါပဲ။ အလုပ်ရှင်ကလည်း ဝန်ထမ်းကို အသိအမှတ်ပြုဖို့ လိုသလို၊ ဝန်ထမ်းကလည်း ကိုယ့်ရဲ့ အတိုင်းအတာကို သိဖို့ လိုပါတယ်။ဒါကို သဘောပေါက်ထားရင်တော့ လုပ်ငန်းခွင် အပြောင်းအလဲတွေကြားမှာ သင်ဟာ အောင်မြင်တဲ့ ဝန်ထမ်းတစ်ယောက် ဖြစ်နေမှာ အသေအချာပါပဲ။

ကျော့ကေခိုင်

zawgyi

Quiet Hiring ဆိုတဲ့ အသုံးအႏႈန္းက အခုေနာက္ပိုင္း လုပ္ငန္းခြင္ေလာကမွာ ေတာ္ေတာ္ေလး ေရပန္းစားလာတဲ့ စကားလုံးတစ္ခုပါ။ အထူးသျဖင့္ စီးပြားေရး အေျခ အေနေတြ မေသခ်ာတဲ့အခါ၊ လူသစ္ခန႔္ဖို႔ ဘတ္ဂ်က္ အကန႔္အသတ္ ရွိလာတဲ့အခါမ်ိဳးမွာ ကုမၸဏီႀကီးေတြ က်င့္သုံးလာတဲ့ ဗ်ဴဟာတစ္ခုပါ။ ဒါကို ျမန္မာလို အလြယ္နားလည္ေအာင္ ေျပာရရင္ေတာ့ “လူသစ္မခန႔္ဘဲ ရွိရင္းစြဲ အင္အားနဲ႔ အလုပ္ျဖစ္ေအာင္ စီမံခန္႔ခြဲတာ” လို႔ ေျပာလို႔ရပါတယ္။

ပုံမွန္ဆိုရင္ လုပ္ငန္းတစ္ခု တိုးခ်ဲ႕ခ်င္တာပဲျဖစ္ျဖစ္၊ အလုပ္သစ္ေတြ တိုးလာတာပဲျဖစ္ျဖစ္ အလုပ္ေခၚစာ (Job Vacancy) ေတြ တင္ၾကတယ္။ လူသစ္ေတြ ေခၚၾကတယ္။ ဒါေပမဲ့ Quiet Hiring ကေတာ့ အဲဒီလို အျပင္ကေန လူသစ္ရွာတာမ်ိဳး မလုပ္ပါဘူး။ ကုမၸဏီအတြင္းမွာ ရွိၿပီးသား ဝန္ထမ္းေတြကိုပဲ သူတို႔ လုပ္ေနက် တာဝန္ေတြအျပင္ အျခား အေရးႀကီးတဲ့ အခန္းက႑ေတြမွာ ေျပာင္းလဲ တာဝန္ေပးတာ၊ ဒါမွမဟုတ္ ပေရာဂ်က္အသစ္ေတြမွာ ပါဝင္ခိုင္းတာမ်ိဳး ျဖစ္ပါတယ္။ ဆိုလိုတာက လူသစ္မေခၚဘဲ ရွိၿပီးသား လူေတြရဲ႕ အရည္အခ်င္းကိုပဲ ထပ္မံ အသုံးခ်ၿပီး လုပ္ငန္းလိုအပ္ခ်က္ကို ျဖည့္ဆည္းတာပါ။ဒါဟာ ဝန္ထမ္းေတြကို အႏိုင္က်င့္တာလားလို႔ ေမးစရာ ရွိပါတယ္။ တကယ္ေတာ့ စနစ္တက် လုပ္တတ္တဲ့ ကုမၸဏီေတြအတြက္ေတာ့ ဒါဟာ ဝန္ထမ္းေရာ အလုပ္ရွင္ပါ ႏွစ္ဦးႏွစ္ဖက္ အက်ိဳးရွိေစမယ့္ နည္းလမ္းတစ္ခု ျဖစ္ႏိုင္ပါတယ္။

ဘာေၾကာင့္ Quiet Hiring ကို လုပ္ၾကတာလဲ

လုပ္ရတဲ့ အဓိက အေၾကာင္းရင္း သုံးခု ရွိပါတယ္။လူသစ္တစ္ေယာက္ ေခၚဖို႔ဆိုတာ ေၾကာ္ျငာခ၊ အင္တာဗ်ဴးရတဲ့ အခ်ိန္၊ ၿပီးရင္ အလုပ္သင္ေပးရတဲ့ ကာလ (Onboarding) စသျဖင့္ ကုန္က်စရိတ္ေတြ အမ်ားႀကီး ရွိပါတယ္။ Quiet Hiring က ဒီစရိတ္ေတြကို အကုန္ျဖတ္ခ်လိုက္တာပါ။ေနာက္ၿပီး အလုပ္တစ္ခု အျမန္ၿပီးဖို႔ လိုေနခ်ိန္မွာ အျပင္ကလူကို ေစာင့္ေနမယ့္အစား လုပ္ငန္းအေၾကာင္း နားလည္ၿပီးသား ဝန္ထမ္းကို တာဝန္ေပးလိုက္တာက ပိုျမန္တဲ့ အတြက္ အခ်ိန္ကုန္သက္သာပါတယ္။ကုမၸဏီက တျခားနယ္ပယ္တစ္ခုကို ေျပာင္းလဲ အာ႐ုံစိုက္ခ်င္တဲ့အခါ ဝန္ထမ္းေတြကို အဲဒီနယ္ပယ္သစ္အတြက္ လိုအပ္တဲ့ သင္တန္းေတြ ေပးၿပီး ေနရာခ်ထားေပးတာမ်ိဳး ျဖစ္ပါတယ္။ ဒါကိုကြၽမ္းက်င္မႈ အေျပာင္းအလဲလို႔ ေခၚၾကပါတယ္။

ဝန္ထမ္းေတြအတြက္ အားသာခ်က္၊ အားနည္းခ်က္

ဒီေနရာမွာ အေကာင္းေရာ အဆိုးပါ ရွိပါတယ္။
အေကာင္းဘက္က ၾကည့္ရင္ သင္ဟာ Quiet Hiring ရဲ႕ ပစ္မွတ္ျဖစ္လာၿပီဆိုရင္ ဒါဟာ ကုမၸဏီက သင့္ကို အားကိုးတယ္၊ သင့္မွာ အရည္အခ်င္းရွိတယ္လို႔ အသိအ မွတ္ျပဳတာပါ။ အလုပ္သစ္ေတြ၊ တာဝန္သစ္ေတြ လုပ္ရတဲ့အတြက္ Skill သစ္ေတြ တိုးလာမယ္။ ေနာင္တစ္ခ်ိန္ ရာထူးတိုးဖို႔ ဒါမွမဟုတ္ တျခားေနရာမွာ အလုပ္ရွာဖို႔အတြက္ သင့္ရဲ႕ CV မွာ အေတြ႕အႀကဳံေကာင္းေတြ တိုးလာမွာ ျဖစ္ပါတယ္။ အခ်ိဳ႕ကုမၸဏီေတြကေတာ့ တာဝန္ပိုေပးတဲ့အတြက္ လစာတိုးေပးတာ ဒါမွမဟုတ္ Bonus ေပးတာမ်ိဳးေတြ လုပ္တတ္ၾကပါတယ္။

အဆိုးဘက္က ၾကည့္ရင္ေတာ့ တကယ္လို႔ ကုမၸဏီက လစာလည္း မတိုးေပးဘဲ၊ အလုပ္ေတြပဲ ပုံေအာခိုင္းမယ္ဆိုရင္ေတာ့ ဝန္ထမ္းေတြမွာ Burnout ျဖစ္လာႏိုင္ပါတယ္။ “ငါ့ကို ခိုင္း႐ုံပဲ ခိုင္းေနတာလား” ဆိုတဲ့ စိတ္မ်ိဳး ဝင္လာၿပီး အလုပ္ထြက္ခ်င္စိတ္ ေပါက္လာႏိုင္ပါတယ္။ ဒါကိုေတာ့ သတိထားဖို႔ လိုပါတယ္။

Quiet Hiring ကို ဘယ္လို ရင္ဆိုင္မလဲ

တကယ္လို႔ သင့္ကို သင့္အထက္လူႀကီးက “ဒီအလုပ္ေလးပါ ဝိုင္းကူေပးပါဦး” လို႔ ေျပာလာရင္ ဒါဟာ Quiet Hiring ျဖစ္ႏိုင္ပါတယ္။ အဲဒီအခါမွာ ေအာက္ပါအတိုင္း ျပင္ဆင္ႏိုင္ပါတယ္။”ဒီတာဝန္အသစ္က ဘယ္ေလာက္ၾကာမွာလဲ”၊ “လက္ရွိ လုပ္ေနတဲ့ အလုပ္ေတြနဲ႔ ဘယ္လို ခ်ိန္ညႇိရမလဲ” ဆိုတာကို အေသအခ်ာ ေမးပါ။ဒါဟာ ကိုယ္မလုပ္ဖူးတဲ့ အရာကို သင္ယူဖို႔ အခြင့္အေရးလားဆိုတာ ဆန္းစစ္ပါ။ တကယ္လို႔ အက်ိဳးရွိမယ့္အရာဆိုရင္ အေကာင္းဆုံး ႀကိဳးစားျပလိုက္ပါ။အလုပ္ေတြ အရမ္းမ်ားလာၿပီဆိုရင္ေတာ့ “တာဝန္ေတြ ပိုလာတဲ့အတြက္ လစာ ဒါမွမဟုတ္ ခံစားခြင့္ တစ္ခုခု ျပန္စဥ္းစားေပးလို႔ ရမလား” ဆိုတာကို ယဥ္ယဥ္ေက်းေက်း ညႇိႏႈိင္းၾကည့္သင့္ပါတယ္။

အခ်ဳပ္ေျပာရရင္ Quiet Hiring ဆိုတာ အလုပ္ရွင္ေတြအတြက္ေတာ့ စမတ္က်တဲ့ ဗ်ဴဟာတစ္ခု ျဖစ္သလို၊ ဝန္ထမ္းေတြအတြက္လည္း ကိုယ့္ကိုယ္ကိုယ္ သက္ေသ ျပဖို႔ လမ္းစတစ္ခု ျဖစ္ႏိုင္ပါတယ္။ ဒါေပမဲ့ အဓိက ေသာ့ခ်က္ကေတာ့ ပြင့္လင္းစြာ ဆက္သြယ္ေျပာဆိုျခင္းပါပဲ။ အလုပ္ရွင္ကလည္း ဝန္ထမ္းကို အသိအမွတ္ျပဳဖို႔ လိုသလို၊ ဝန္ထမ္းကလည္း ကိုယ့္ရဲ႕ အတိုင္းအတာကို သိဖို႔ လိုပါတယ္။ဒါကို သေဘာေပါက္ထားရင္ေတာ့ လုပ္ငန္းခြင္ အေျပာင္းအလဲေတြၾကားမွာ သင္ဟာ ေအာင္ျမင္တဲ့ ဝန္ထမ္းတစ္ေယာက္ ျဖစ္ေနမွာ အေသအခ်ာပါပဲ။

ေက်ာ့ေကခိုင္